Татарстан Республикасының инвестицион үсеш агентлыгы җитәкчесе “Татарстанның эшлекле партнерлары” форумында чыгыш ясады

2014 елның 6 декабре, шимбә
Бүген Галиәскар Камал исемендәге дәүләт академик театрында “Татарстанның эшлекле партнерлары” форумының пленар утырышы үтте. Чара Татарстан Республикасының Президенты Рөстәм Миңнеханов һәм республиканың идарәләр һәм министрлыклар җитәкчеләре катнашуы белән үтте. Форумда делегатлар Россиянең 54 регионыннан татар эшмәкәрләре, шулай ук чит ил вәкилләре булып тордылар. Пленар утырыш алдыннан алар театрның фойесында тәкъдим ителгән авыл хуҗалыгы продукциясе белән таныштылар. Форумда доклад белән Татарстан Республикасының инвестицион үсеш агентлыгы җитәкчесе Талия Миңнуллина чыгыш ясады. Ул инвестицион сәясәтнең төп юнәлешләре, сәнәгый мәйданнарның мөмкинлекләрен билгеләде һәм Татарстанның эшлекле партнерларын хезмәттәшлеккә чакырды. Чара ахырында Татарстан Республикасының Президенты Рөстәм Миңнеханов әлеге чараларның мөһимлеген билгеләде. “Безнең белән булуыгызга рәхмәт. Мин сезгә бик ышанам. Сез – безнең таяныч. Казанга килүегез өчен рәхмәт һәм уңышлар сезгә!”, - дип Рөстәм Миңнеханов ассызыклады. Очрашу Татарстан Республикасының дәүләт бүләкләрен бирү белән тәмамланды. 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International