Татарстан Республикасының инвестицион үсеш агентлыгында Ислам Үсеш Банкы вәкиле катнашуы белән киңәшмә үтте

2014 елның 24 декабре, чәршәмбе
Ислам Үсеш Банкы вәкиле Мөхәммәд Умар Хөсәйн әфәнде республикага Татарстан Республикасының инвестицион үсеш агентлыгы җитәкчесе Талия Миңнуллина чакыруы белән килде. Агентлык ярдәмендә Мөхәммәд Умар Хөсәйн әфәнде төрле очрашулар үткәрде, алар арасында Татарстан Республикасының икътисад министрлыгы, Татарстан Республикасының Милли банкы, Татарстан Республикасы буенча Федераль салым хезмәте рәислеге, ААҖ “Ак Барс” Банк, Татарстан халыкара инвестицион компаниясе, “Амаль” Финанс йорты җитәкчелекләре белән очрашулар булды. 24 декабрьдә Хөсәйн әфәнде белән Татарстан Республикасының инвестицион үсеш агентлыгы җитәкчесе Талия Миңнуллина очрашты. Татарстан Республикасының финанслар министрлыгы, Татарстан Республикасының казначейлык департаменты, Татарстан Республикасының Милли Банкы вәкилләре катнашуы белән эшлекле киңәшмә кысаларында ислам банкингы өлкәсен регулирлаштыручы норматив-канун базасы үсешенә консультатив ярдәм итү, бәяләү һәм анализ мөмкинлекләре буенча уртаклаштылар. “Әлеге икътисади хәлдә альтернатив һәм эффектив финанс инструментларының берсе ислам банкингын кертү була ала. Татарстан Республикасының инвестицион үсеш агентлыгы әлеге банкинг институтлары белән аралашуга махсус игътибар итә. “Бу перспектив, кызык һәм табышлы булып тора”, - дип Талия Миңнуллина билгеләде. Киңәшмәдә бердәм эш планы күрелде.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International