Татарстан Республикасының инвестицион үсеш агентлыгы

ТР Инвестицион үсеш агентлыгында Хэбэй (Кытай) провинциясенең инвестицион потенциалы презентациясе үтте

2015 елның 11 феврале, чәршәмбе

Татарстан Республикасының инвестицион үсеш агентлыгына Кытай Халык Республикасының Хэбэй провинциясе Эшмәкәрләр ассоциациясе делегациясе килде. Көнчыгыш Азия инвесторлары белән эш ИҮАның йомгаклау коллегиясеннән активлашты (коллегиядә Кытай эшлекле даирәләре вәкилләре чыгыш ясадылар һәм Ассоциация һәм Дрожжан районы арасында хезмәттәшлек турында килешүгә кул куелды). Очрашу кысаларында ТР ИҮА җитәкчесе Талия Миңнуллина, ТР Сабы районы башлыгы Раис Миңнеханов һәм Хэбэй провинциясе Эшмәкәрләр ассоциациясе вице-президенты Ван И әфәнде хезмәттәшлекнең юнәлешләре турында сөйләштеләр. Ван И әфәнде ассызыклаганча, Россиягә инвестицияләү регион эшлекле активлыкның приоритетлы юнәлешләрнең берсе булып тора һәм Кытай җитәкчелеге йомышы буенча үтәлә. Кытай бизнес берләшмәсе вәкиле инвестицион проектлар турында сөйләде, мәсәлән, агач эшкәртү сәнәгате калдыкларыннан төзелеш материаллары һәм медицина җиһазлары җитештерү. “Экология нормаларына туры килүче кирәк һәм югары сыйфатлы продукция җитештерү өлкәсендә инвестицион проектлар безнең өчен приоритетлы булып тора. Моның белән бергә әлеге этапта ике проект буенча да маркетинг тикшерү үткәрергә кирәк дип саныйм”, - дип Талия Миңнуллина билгеләде. Очрашу кысаларында мөмкин булган инвесторлар өчен кызыксыну тудырган детальле проектлар исемлеген уйлап табу һәм ассоциация вәкилләре эшли торган Хэбэй провинциясендә Татарстан Республикасының инвестицион потенциалы презентациясе турында килештеләр. Моннан башка, Агентлык ярдәмендә Ван И әфәнде Татарстан Республикасының Сәламәтлек саклау министрлыгы, Авыл хуҗалыгы һәм азык министрлыгы, Мәдәният министрлыгы һәм башка дәүләт һәм муниципаль органнарда эшлекле очрашулар үткәрде. 2015 елда ИҮА һәм Ассоциациянең беренче бердәм эш нәтиҗәләре күренәчәк. ТР ИҮА Матбугат хезмәте, Искәндәр Әхмәтов

БАРЛЫК ЯҢАЛЫКЛАРНЫ УКУ