Берләшкән Гарәп Әмирлекләре делегациясе Татарстанга килде

2015 елның 3 марты, сишәмбе
Берләшкән Гарәп Әмирлекләре Икътисад министры урынбасары Абдулла Аль Салех җитәкләгән делегациясе Татарстанга килде. БГӘ Икътисад министрлыгы, БГӘ Милли банкы, Дубай инвестицион паркы, Дубай инвестицион компаниясе һәм башка структуралар вәкилләренең визит максаты алдагы бердәм проектларны тормышка ашыру белән Татарстанның икътисади һәм инвестицион потенциалы белән танышу булып тора. Кунаклар Казанга ТР Президенты Рөстәм Миңнеханов чакыруы белән килделәр, ул февральдә Абу-Даби шәһәрендә берничә очрашулар үткәрде. Гарәп иле вәкилләренең визитын оештыру һәм алып баруны Татарстан Республикасының инвестицион үсеш агентлыгы үткәрә. Делегация белән очрашу кысаларында ТР ИҮА җитәкчесе Талия Миңнуллина алдагы сүзләрне билгеләде: “Әмирлекләр һәм Татарстанның аралашуы зур мөмкинлекләрне тудыра. Соңгы айларда безнең хезмәттәшлек активлашты, һәм без тагын да нәтиҗәле, яңа партнерлык дәрәҗәсенә чыгарбыз дип ышанам”. Яклар ТР территориясендә мөмкин булган инвестицион проектланы тормышка ашыру, Абу-Даби шәһәрендә 30 март- 1 апрельдә үтәчәк AIM – Annual Investment Meeting форумы кысаларында бердәм эш турында сөйләштеләр. 5 мартка кадәр дәвам итәчәк визит программасында - инвестицион инфраструктура объектлары, алар арасында МИЗ “Алабуа”, КИП “Мастер”, МИЗ “Иннополис” карау, оешмалар, банк структуралары җитәкчеләре белән очрашу.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International