Татарстан Республикасының инвестицион үсеш агентлыгы

Мәскәүдә InvestRos халыкара конференциясе үтте

2015 елның 11 марты, чәршәмбе

Мәскәүдә Россиядә инвестицияләр үсешен тәэмин итү буенча халыкара конференция - «ИнвестРос» «ИНВЕСТИЦИЯЛӘР 2015. РОССИЯНЕ САЙЛАУ!» үтте. Чара Россия Федерацисе Дәүләт Думасы рәисе карамагындагы Инвестицияләр буенча киңәшмә патронаты астында үтте. Конференциядә катнашучылар (халыкара корпорацияләр, федераль һәм региональ хакимият органнар вәкилләре, икътисадчылар - фәнни белгечләр һәм башкалар) кризис шартларында Россиягә инвестицияләрне җәлеп итү механизмнары һәм яңа чыганаклар, инвестицияләрне җәлеп итү буенча законнар чыгаручы базасын яхшырту, инвестицияләрне җәлеп итү буенча регионнарның иң яхшы тәҗрибәләре, инвестицион рейтинглар, икътисадның яңа реалияләр кебек актуаль сораулар буенча уртаклаштылар. ТР ИҮА җитәкчесе “Үсеш нокталары – дәүләт сәясәте һәм базар ихтыяҗларының кисешү урыны. Регионнарның гөрләп үсү алгоритмлары” утырышында чыгыш ясады. Мәсәлән, Талия Миңнуллина Татарстан Республикасының инвестицион потенциалы презентациясен үткәрде һәм ТР Инвестицион үсеш агентлыгы – инвестицияләрне җәлеп итү һәм инвестицион проектларны алып баруны үткәрүче махсус дәүләт органы мисалында “бер тәрәзә” эше механизмы турында сөйләде. “Татарстан Президенты Рөстәм Миңнеханов чит ил партнерлары белән очрашуда Россиягә инвестицияләү өчен иң кирәк вакыт – хәзер дип ассызыклый. Хәзерге вакытта безгә килә торган капитал өчен уникаль “мөмкинлекләр тәрәзәсе” бар. Бу, аеруча, валюта-акча базарында хәл белән бәйләнгән. Монда иң мөһим – инвестицион кунакчыллыкны тәэмин итү. Безнең республикада капиталны җәлеп итү буенча система эшли, беренче шәхес туры диалог өчен ачык. Татарстанда яшәүчеләр, хөкүмәт, инвесторлар яңа зур проектларны башлап җибәрү бөтенесенең кызыксынуларына җавап бирә”, - дип Талия Миңнуллина билгеләде. Конференция барышында ТР ИҮА җитәкчесе журналистлар һәм белгечләрнең сорауларына җавап бирде, эре бизнес вәкилләре белән сөйләшүләр үткәрде.

ТР ИҮА матбугат хезмәте, Искәндәр Әхмәдов

БАРЛЫК ЯҢАЛЫКЛАРНЫ УКУ