Татарстан Республикасының инвестицион үсеш агентлыгы

Татарстанның инвестицион потенциалы Иранда презентацияләнде

2015 елның 10 марты, сишәмбе

ТР Инвестицион үсеш агентлыгы җитәкчесе Тали Миңнуллина Иран Ислам Республикасында Татарстанның инвестицион потенциалы презентациясен үткәрде. Президент Рөстәм Миңнеханов җитәкләгән делегация эш визиты белән Иранга килде. Делегация составында ТР дәүләт органнары җитәкчеләре һәм министрлар, зур оешмалар топ-менеджерлары һәм фәнни оешмалар вәкилләре булды. Иран-Татарстан эшлекле форум кысаларында Татарстанның инвестицион һәм сәүдә-икътисади потенциалы презентациясе үтте. Фарсы инвесторларга республика бирә алырлык мөмкинлекләр турында ТР ИҮА җитәкчесе Талия Миңнуллина сөйләде. Мәсәлән, ТР ИҮА җитәкчесе инвестицион инфраструктура, махсус салым режимнары һәм Татарстанда бизнес алып баруның башка өстенлекләре турында сөйләде. “Иран икътисады – Урта Көнчыгышта иң зур ул. Без Иран капиталын Татарстанда сәламләргә шат, монда моның өчен махсус орган – ТР ИҮА бар, ул проектларны комплекслы рәвештә алып бара”, - дип форум кысаларында Талия Миңнуллина билгеләде. Шулай ук Урта Көнчыгыш дәүләтнең алда баручы компанияләр топ-менеджерлары белән очрашулар үтте. Моннан башка, Агентлык җитәкчесе ТР Президентының Иран фән һәм технологияләр буенча вице-президенты Сурен Саттари, Сәнәгать, шахталар һәм сәүдә министры Мөхәммәд Реза Нематзаде, Нефть министры, Сәүдә-икътисади хезмәттәшлек буенча Россия-Иран комиссиясе рәисе Бижан Намдар Зангане, Көнчыгыш Әзербәйҗан Провинцисе губернаторы Исмаил Джаббарзаде һәм Тебриз шәһәре мэры Садега Наджафи, университет ректоры Мөхәммәд Мәхди Техранчи белән очрашуда катнашты. 2015 ел дәвамында Иран делегациясенең Татарстанга визиты көтелә, аның программасына бизнес-миссияләр үткәрү һәм ТР инвестицион инфраструктурасы белән танышу керәчәк.

ТР ИҮА матбугат хезмәте, Искәндәр Әхмәдов.

Фото: ТР Президенты матбугат хезмәте, Марсель Бадыкшин

БАРЛЫК ЯҢАЛЫКЛАРНЫ УКУ