Татарстан һәм Марий Эл бергә инвестицияләрне җәлеп итәчәкләр

2015 елның 20 марты, җомга
19 мартта Казанда Татарстан Республикасының инвестицион үсеш агентлыгы һәм Марий Эл инвестицион үсеш агентлыгы арасында хезмәттәшлек турында килешүгә кул куелды. Документ астына ТР ИҮА җитәкчесе Талия Миңнуллина һәм Марий Эл ИҮА җитәкчесе Игорь Губин үз имзаларын куйдылар. Килешү хезмәттәшлекне урнаштыру һәм уңайлы инвестицион климатны формалаштыру өлкәсендә һәм ике республиканың инвестицион сөйкемлелеген арттыруга юнәлгән. Мәсәлән, яклар бергә проектларны тормышка ашыру өчен инвестицияләрне җәлеп итү, мәгълүмати-аналитик тәэмин итү системаларын үстерү, хезмәттәшлекнең иң эффектив формаларны билгеләү, дөньяда кулланыла торган хезмәттәшлекнең бөтен мөмкин булган формалар буенча дәүләт-шәхси партнерлык механизмнарын үстерү, үзара кызыксыну тудырган сораулар буенча конференцияләр һәм практик семинарларларда катнашу кебек юнәлешләр буенча эшләчәкләр.  “Хәзерге икътисади хәлдә Россия Федерациясе субъектларының, аеруча географик һәм инфраструктур якынлык булган регионнарның аралашу темасы актуаль булып тора. Бердәм эш безнең республикаларга инвестицион сөйкемлелекне эффектив арттыру буенча эшчәнлекне ясарга мөмкинлек бирәчәк”, - дип килешүгә кул кую церемониясе барышында Талия Миңнуллина билгеләде.   ТР ИҮА Матбугат хезмәте, Искәндәр Әхмәдов  
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International