Татарстанның инвестицион потенциалы Италия делегациясенә тәкъдим ителде

2015 елның 26 марты, пәнҗешәмбе
Россия Федерациясендәге Италия Республикасының Гадәттән тыш һәм Тулы вәкаләтле Илчесе Чезаре Мария Рагальини башлыгында зур Италия делегациясе Татарстан Республикасына килде. Делегация составында -  Novasider S.r.l., UBI Banca Scpa, Agrotecnica SRL, Startex SpA, GTC sas, Reimex Srl һәм башка компанияләр вәкилләре. Визит максаты Татарстанның икътисади, сәнәгый һәм инвестицион потенциалы белән танышу, хезмәттәшлекнең төрле юнәлешләрен үстерү булып тора. Хөкүмәт Йортында Европа иленең делегациясен ТР Президентын вазифаларын вакытлыча башкаручы Рөстәм Миңнеханов каршы алды, очрашуда ТР ИҮА җитәкчесе Талия Миңнуллина катнашты. “Минем уйлавымча, безнең потенциал бик зур һәм без тагын да киң форматта, төрле өлкәләрдә хезмәттәшлек итергә тиеш. Әлбәттә, бу сәүдә-икътисади контактлар гына түгел, әмма бердәм җитештерү, бизнесны булдыру булып тора, һәм моның өчен бөтен шартлар бар”, - дип Рөстәм Миңнеханов билгеләде. Рәсми очрашудан соң Апеннин ярым утравы дипломатик корпусы һәм бизнес диирәләре вәкилләре ТР Сәүдә-икътисади палатасында үткән Татарстан-Италия түгәрәк өстәле һәм эшлекле контактлар биржасында катнаштылар. ТР ИҮА җитәкчесе Талия Миңнуллина Италия кунаклары өчен Татарстанның инвестицион потенциалы презентациясен үткәрде. “Италия безнең өчен –  иң якын илләрнең берсе. Татарстан – инвестицион проектларны тормышка ашыру өчен югары дәрәҗәле инфраструктура булдырылган Россия Федерациясенең иң алдынгы субъектларның берсе. Шулай ук Татарстанның яхшы географик урыны булганга күрә монда җитештерүне ачкан инвесторлар проектларны тормышка ашыру өчен өстәмә мөмкинлекләр алалар”, - дип ТР ИҮА җитәкчесе билгеләде. Талия Миңнуллина МИЗ “Алабуга”, МИЗ “Иннополис”, КИП “Мастер” һәм башка объектлар турында сөйләде. Чезаре Мария Рагальини әфәнде, үз чиратында, Россиядә 400 Италия ширкәтләре эшли, һәм Татарстан икътисади үсеш алган регион буларак Италия бизнесы өчен зур кызыксыну тудыра дип билгеләде. Италия эшлекле даирәләре белән эш дәвам итәчәк.  
ТР ИҮА Матбугат хезмәте, Искәндәр Әхмәдов Фото: ТР Президенты Матбугат хезмәте, Марсель Бадыкшин
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International