Татарстан Республикасының инвестицион үсеш агентлыгы

Татарстанның инвестицион потенциалы Индонезия делегациясенә презентацияләнде

2015 елның 9 апреле, пәнҗешәмбе

9 апрель иртәсендә ТР ИҮА җитәкчесе Талия Миңнуллина Татарстан Президенты вазифаларын вакытлыча башкаручы Рөстәм Миңнехановның Индонезия икътисад сораулары буенча министр-координатор, Сәүдә-икътисади һәм техник хезмәттәшлек буенча Россия – Индонезия бердәм комиссия рәисе Софьян Джалил белән очрашуда катнашты. Очрашуда министр-координатор, җылы очрашу өчен рәхмәт әйтеп, ике илнең бизнес вәкилләре арасында хезмәттәшлеккә зур игътибар итергә кирәк дип ассызыклады. Казанда Индонезия делегациясе составына Азия иле эшлекле даирәләренең 30 вәкиле керде, алар Татарстан Республикасының икътисади мөмкинлекләре һәм инвестицион потенциалын детальләп өйрәнүдә кызыксыну белдерделәр. Шундый мөмкинлек Казан Кремлендә үткән очрашудан соң “Корстон”да ачылган Россия-Индонезия эшлекле форумы кысаларында барлыкка килгән: Татарстан икътисады, инвестицион инфраструктура, чит ил инвесторларының уңышлы тәҗрибәләре турында Татарстан Республикасының инвестицион үсеш агентлыгы җитәкчесе Талия Миңнуллина сөйләде. “Индонезия Көньяк-Көнчыгыш Азия, Тын океан регионы илләре арасында иң зур илләрнең берсе, аның икътисади мөмкинлекләре XXI гасырда тагын да ныгачаклар. Татарстан, үз чиратында, Азия һәм Европа очрашу урыны булып тора. Рөстәм Миңнеханов билгеләгәнчә, безнең республика Индонезия бизнесының Россия базарына керү өчен яхшы мәйдан була ала. 2011 елдан Татарстан булдыра торган инвестицияләү өчен уңай шартлар ярдәмендә Россия Федерация базарларына тоткарлыксыз керү өчен безнең чит ил дусларыбызга ярдәм итүче Инвестицион үсеш агентлыгы эшли”, - дип Талия Миңнуллина билгеләде. Индонезия делегациясе башлыгы Софьян Джалил визит кысаларында алынган мәгълүмат Малайзия архипелагы илләре эшлекле даирәләре арасында таратылачак дип ассызыклады. Форумда Татарстан Республикасының Президенты вазифаларын вакытлыча башкаручы Рөстәм Миңнеханов, Россия Федерациясе Сәүдә һәм сәнәгать министры Денис Мантуров, Индонезия Республикасы Икътисад сораулары буенча министр Софьян Джалил, Россия Федерациясендәге Индонезия Республикасының Гадәттән тыш һәм Тулы вәкаләтле илчесе Джаухари Оратмангун, Индонезия Республикасының Сәүдә-сәнәгать палатасы рәисе При Сулистио, Индонезия һәм Россия бизнесы вәкилләре һәм башка кунаклар катнаштылар. Визитның рәсми өлеше Сәүдә-икътисади һәм техник хезмәттәшлек буенча Россия – Индонезия бердәм комиссиянең Х утырышы кебек халыкара вакыйгасы белән тәмамланды. ТР ИҮА Матбугат хезмәте, Искәндәр Әхмәдов

БАРЛЫК ЯҢАЛЫКЛАРНЫ УКУ