Талия Миңнуллина Рөстәм Миңнеханов һәм Илһам Алиев очрашуында катнашты

2015 елның 14 апреле, сишәмбе
ТР Инвестицион үсеш агентлыгы җитәкчесе Талия Миңнуллина Татарстан Президенты вазифаларын вакытлыча башкаручы Рөстәм Миңнеханов җитәкләгән делегация составында Әзербайҗанга визит белән килде. Визитның үзәк өлеше Әзербайҗан Республикасының Президенты Илһам Алиевның Татарстан делегациясен кабул итүе булып тора. Очрашу барышында электрон хезмәт күрсәтү, нефть һәм химия сәнәгате, көймә төзү, машина төзү һәм туризм өлкәсендә аралашу үсеше юнәлеше турында сөйләштеләр. Әзербайҗан Президенты Рөстәм Миңнехановның Татарстанга чакыруын кабул итте. Хөрмәтле кунак июнь аенда киләчәк һәм республиканың инвестицион һәм инновацион инфраструктурасы белән танышачак дип көтелә. Визит кысаларында Талия Миңнуллина шулай ук Әзербайҗан Республикасының Премьер-министры Артур Расизаде һәм гадәттән тыш хәлләр министры Кямаладдин Гейдаров генерал-полковник белән очрашуда катнашты. 13 апрельдә Татарстан делегациясе Әзербайҗандагы Татарстанның Даими вәкиллегендә татар җәмгыяте вәкилләре белән очрашты. Активистлар Татарстан җитәкчелегенә татар милләте мәдәниятен саклау, бөтен дөнья буенча ватандашларны берләштерү буенча системалы эш һәм инициативаларны яклау өчен рәхмәтләделәр. Ике көнлек визит кысаларында иң мөһим вакыйгаларның берсе «Гянджинск автомобиль заводы»нда (Gəncə Avtomobil Zavodu)  “КАМАЗ” автомобильләренең җыю линиясен ачу булып тора. “Россия-Әзербайҗан мөнәсәбәтләре кысаларында Татарстанның Әзербайҗан белән хезмәттәшлек якын һәм дус булып тора. Моңа мәдәният, тел һәм килеп чыгу якынлыгы гына түгел, республикаларның киләчәккә омтылуы, нәтиҗәләргә карап эшләве һәм глобаль проектларны тормышка ашыру тәҗрибәсе ярдәм итә”, - дип Талия Миңнуллина белдерде.
ТР ИҮА Матбугат хезмәте. Фото: ТР Президенты Матбугат хезмәте, Эдуард Хайруллин; ИА Report
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International