Татарстан Республикасының инвестицион үсеш агентлыгы

Казанда XV Россия һәм X Казан венчур ярминкәләре үтә

2015 елның 24 апреле, җомга

Татарстан Республикасының инвестицион үсеш агентлыгы җитәкчесе Талия Миңнуллина XV Россия һәм X Казан венчур ярминкәләренең Пленар утырышларында катнашты. Чараның төп темасы – “Венчур инвестицияләр индустриясе – базар турбурентлык шартларында үсеш драйверы”. Россия Венчур Ярминкәсе – дискуссияләр, профессионалларның тәҗрибәләре белән алмашу өчен халыкара платформа, киләчәк технологияләр үсешенә ярдәм итүче ният белән берләшкән “фикердәшләр клубы”, туры инвестицияләү һәм венчур капиталы индустриясенә “керү ноктасы”. Программа тематик чаралар үтүче инновацион компанияләр экспозициясен һәм конгресс блогын үз эченә ала. Компанияләр кызыксынган киң җәмгыятькә һәм венчур инвесторларына үзенең бизнесын презентацияләргә мөмкинлек алалар. ТР ИҮА җитәкчесе Россия Федерациясе Икътисади үсеш министрлыгы ярдәме белән Россия инновацион регионнары ассоциациясе белән бергә оештырган “Кластерлар үсеше өчен партнерлык” II Халыкара фәнни-практик конференциясендә дә катнашты. Фәнни форумның төп максаты – бизнес, университет, региональ инновацион инфраструктура вәкилләре арасында кирәк булган партнерлык мөнәсәбәтләрен урнаштыру. Конференция эшендә чит илләр һәм Россия регионнары җитәкчеләре, федераль, региональ һәм муниципаль хакимият органнары вәкилләре, кластерлы оешмалар, югары технологияле эшханәләр, үсеш институтлары, инновацион инфраструктура объектлары, алда баручы университетлар җитәкчеләре катнаша. “Татарстан югары технологияле инвестицияләрне җәлеп итүгә юл тота. Шуның өчен Россия һәм Казан венчур ярминкәләре кебек зур чаралар булачак инвесторлар белән аралашуны активлаштыру өчен зур мәгънә ала”, - дип үткән чараның оештыру комитеты вәкиле булган Талия Миңнуллина ассызыклады. ТР ИҮА Матбугат хезмәте

БАРЛЫК ЯҢАЛЫКЛАРНЫ УКУ