Талия Миңнуллина Рөстәм Миңнехановның Санкт-Петербург һәм Ленинград өлкәсе татар җәмгыяте белән очрашуында катнашты

Татарстан Республикасының Президенты вазифаларын вакытлыча башкаручы Рөстәм Миңнеханов җитәкләгән Татарстан Республикасының делегациясенең эшлекле программасы Петербург халыкара икътисади форум-2015 эшенең беренче көне Санкт-Петербург һәм Ленинград өлкәсе татар җәмгыяте белән очрашуы белән тәмамланды. Очрашуда Татарстан делегациясе әгъзасы, ТР инвестицион үсеш агентлыгы җитәкчесе Талия Миңнуллина, Санкт-Петербург һәм Ленинград өлкәсендә Татарстан Республикасының Даими вәкиле Ренат Валиуллин катнашты.

Татарстан лидеры милли-мәдәни эшчәнлек активистлары, эшлекле даирәләр вәкилләре белән милли мәдәниятне саклау һәм үстерү, Санкт-Петербург һәм Ленинград өлкәсенең икътисад, мәгариф, мәдәният өлкәсендә хезмәттәшлек турында сөйләште.

Бәйрәм программасы кысаларында РСФСР атказанган артисты, Татарстанның Милли артисты Альберт Асадуллин чыгыш ясады.

ТР ИҮА Матбугат хезмәте