Татарстан Республикасының инвестицион үсеш агентлыгы

Татарстанда тагын бер аккредитация алган инвестицион инфраструктура объекты барлыкка килде

2015 елның 3 августы, дүшәмбе

Яңа Татарстанның аккредитация алган инвестицион инфраструктура объекты «Казаньоргсинтез» ААҖ янында М-7 трассасында республиканың Яшел Үзән районында урнашкан “М-7” индустриаль паркы булды. Аның төп эшчәнлеге – полимерларны эшкәртү, машина төзелеше, металл эшкәртү, төзелеш материаллары. Хәзерге моментка индустриаль парк территориясендә бары тик Россия компанияләре урнашкан: «Волжанин», «Мультипласт», «Стеклосервис», «COLISEUM», «СК «Союзантисептик» һәм башкалар. Шул ук вакытта парк белән Мәскәү, Санкт-Петербург, Оренбург өлкәсе кебек Россия Федерациясенең субъектлары актив кызыксына. Эре Германия һәм Япония концерннары, Беларусь бизнесы белән сөйләшүләр алып барыла. “Индустриаль парклар кебек инвестицион инфраструктура объектлары үз вакытта кече һәм урта бизнесына ярдәм итү һәм үстерү өчен булдырылган, алар үскәннән соң инвесторга, яисә глобаль инвестицион проектларны тормышка ашыруга акча салучы зур компаниягә әйләнә. Монда дәүләт район территориясе яисә Федерация субъектында гына түгел, ә бөтен ил эчендә эшләүче инвесторларны “үстерә”, - дип “бер тәрәзә” принцибы буенча эшләүче инвестицион проектларны алып баручы һәм инвестицияләрне җәлеп итүче дәүләт органы – Татарстан Республикасының инвестицион үсеш агентлыгы җитәкчесе Талия Миңнуллина билгеләде. ТР Икътисад министрлыгында канунда билгеләнгән мәйданнарның таләпләргә туры килү процедурасын уңышлы үтүгә профессиональ идарә итүче компания һәм «М-7» резидентларының эшчәнлеге өчен максималь табышлы шартлар булу тәэсир итте: бүгенге көнгә индустриаль парк 60% тан күбрәк тулган, резидентларның еллык кереме 1 гектарга 15 мең сум, ә 2014-2015 елларда мәйдан эшчәнлегеннән салым кереме29 млн. сум тәшкил итә. ТР ИҮА Матбугат хезмәте “Туры инвестицияләр фонды” ҖЧҖ (рус. ООО "Фонд Прямых Инвестиций")Матбугат хезмәте, www.ooodif.ru; М-7 Индустриаль паркы сайты - http://m7park.ru/ материаллары кулланылды.

БАРЛЫК ЯҢАЛЫКЛАРНЫ УКУ