Татарстанның инвестицион потенциалы “Кытай-Евразия Экспо 2015” V Халыкара күргәзмәсендә тәкъдим ителәчәк

2015 елның 6 августы, пәнҗешәмбе
“Кытай-Евразия Экспо 2015” V Халыкара күргәзмәсе презентациясе кысаларында Азия һәм Европа эшлекле даирәләренә Татарстанның инвестицион, икътитисади һәм туристик потенциалы тәкъдим ителәчәк. Күргәзмә КХР Синьцзянь-Уйгур автоном округының (СУАР) Урумчи шәһәрендә 12 – 16 августта үтәчәк һәм үзен Евразиянең бизнесы хезмәттәшлеге өчен иң төп эшлекле платформаларның берсе булып күрсәтә. Чараның төп темасы: “Бөек Ефәк юлының сәүдә платформасын булдыру. Евразия илләре арасында үзара табышлы сәнәгый хезмәттәшлекне алга таба мавыктыру”. Татарстан делегациясенең визитын Татарстан Республикасының инвестицион үсеш агентлыгы оештырды. Делегация составында шулай ук ТР ИҮА, ТР Транспорт һәм юл хуҗалыгы министрлыгы, Туризм буенча ТР Дәүләт комитеты, ДУО “РАЦИН” вәкилләре, кайбер муниципаль оешмаларның башлыклары бар. Татарстан приоритетта Татарстанлылырның тормышын яхшыртырга һәм эш җитештерүчәнлеген арттырырга ярдәм итүче югары технологияле инвестицияләрне җәлеп итә. Татарстанның иң интенсив мөнәсәбәтләр нәкъ СУАР белән килеп чыкты. Татарстан Республикасының инвестицион үсеш агентлыгы җитәкчесе Талия Миңнуллина билгеләгәнчә, Кытай һәм Азиянең башка илләренең эшлекле даирәләре белән актив эш Татарстан Республикасының Президенты вазифаларын вакытлыча башкаручы Рөстәм Миңнеханов карарына туры килеп алып барыла. Әлеге юнәлеш буенча хезмәттәшлекне активлаштыру кирәклеген ТР Президенты идарә коллегиясендә 2015 елның 3 февралендә ассызыклады.

Искә төшерик, КХР СУАР эшлекле даирәләре вәкилләре Татарстанга 2015 елда берничә тапкыр килделәр, әлеге визитларны шулай ук ТР ИҮА әзерләде. Шулай июньдә КМР СУАР Коммерция департаментының рәисе Ся Гуантай җитәкләгән делегация Татарстанга “Ефәк Юлы” икътисади пояс концепциясен тормышка ашыруның төрле мөмкинлекләре буенча сөйләшү, шулай ук республиканың базарын өйрәнү өчен килделәр. 17 июньдә хөрмәтле кунакларны Хөкүмәт Йортында Татарстан Республикасының Президенты вазифаларын вакытлыча башкаручы Рөстәм Миңнеханов каршы алды.

28 июльдән 30 июльгә кадәр казанда “КХР Синьцзян-Уйгур автоном районының экспорт товарлары (инвестицияләр)” күргәзмәсе үтте.

  ТР ИҮА Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International