Россия Президентының Вәкаләтле вәкиле Татарстан МИЗының уңышлы тәҗрибәсен билгеләде
Тольятти шәһәрендә 6 ноябрьдә Россия Федерациясендә махсус икътисади зоналар (МИЗ) белән идарә итү системасын яхшырту буенча Чаралар планын (“юл картасы”) башкару буенча киңәшмә үтте. Киңәшмәне Россиянең Хөкүмәт рәисе урынбасары Дмитрий Козак уздырды. “Юл картасы”н 2014 елның июлендә ил хөкүмәте раслады һәм МИЗларның эшләү эффективлыгын арттыруын күз алдында тота.
Үз чыгышында Идел буе федераль округында Россия Федерациясенең Президентының вәкаләтле вәкиле Михаил Бабич Татарстан, Самара һәм Ульяновск өлкәләрендә МИЗларның уңышлы эшләү мисалларын китерде. Билгеле булганча, Татарстан – территориясендә 2 махсус икътисади зона – “Алабуга” һәм “Иннополис” булган һәм мультимодаль логистик үзәк нигезендә Зөя МИЗын булдыру буенча эш барган Россия Федерациясенең бердәнбер субъекты.
Аның белән бергә вәкаләтле вәкил махсус икътисади зоналар белән идарә итү буенча эшчәнлегендә кайбер проблемалы мәсьәләләр булуын билгеләде. Мәсәлән, Россия Федерациясендә 2020 елга кадәр МИЗ Үсеш Стратегиясе әле расланмаган. Документны кабул итү бу елның азагына кадәр планлаштырыла, бу Россия Президенты вәкаләтле вәкиле фикере буенча, МИЗ булдыру һәм идарә итү процессында кайбер концептуаль каршылыкларны төшерергә мөмкинлек бирәчәк.
Федераль канунчылыкка өстәмәләр регионнарның үзенә сайларга мөмкинлек бирә: “МИЗ” АҖ идарә компаниясе белән хезмәттәшлекне дәвам итергә яисә махсус икътисади зоналарны үзләренә үстерергә. Монда Президент вәкаләтле илчесе билгеләгәнчә, регионнарга вәкаләтләр бирергә чакырды, бу аларның инвестицион проектларны тормышка ашыру, яңа резидентларны табу, инфраструктура булдыру һәм максатларга ирешү өчен үзенә алынган йөкләмәләрне башкару өчен җаваплылык һәм рольне ныгытуга ярдәм итәчәк.
Михаил Бабич шулай ук МИЗ территориясендә ватан җитештерүчеләрен актив булдыру мөһимлегенә күрсәтте. “Регионнар өчен махсус икътисади зоналарда ватан җитештерүчеләрен китерүдә кызыксынуларын тудыру өчен бәяләр системасын һәм стимулларны булдырырга мөһим”, - дип белдерде. Моннан башка Президентның вәкаләтле вәкиле МИЗ резидентларын урнаштырганда регион икътисадының кызыксынулары һәм ихтыяҗларын хисапка алып аларның специальләштерүен игътибарга алырга кирәк.
Үз чиратында Россия Хөкүмәте Рәисе урынбасары Дмитрий Козак регионнарга вәкаләтләрне бирү МИЗ потенциалын тагын да эффективрак кулланырга мөмкинлек бирәчәк дип билгеләде. “Махсус икътисади зоналар белән идарә буенча җаваплылык һәм вәкаләтләрне регион дәрәҗәсенә күчерү турында карар регионнарның үсешкә зур мотивация булудан чыгу өчен ясалды”, - дип белдерде.
Киңәшмәдә шулай ук Россия Икътисади үсеш министры урынбасары Александр Цыбульский чыгыш ясады, мәсьәләләрне карауда Самара һәм Ульяновск өлкәләре губернаторлары Николай Меркушкин һәм Сергей Морозов катнаштылар.
Чара нәтиҗәсендә илдә махсус икътисади зоналар белән идарә итүен яхшырту буенча алдагы эшләр нигезенә ятачак тәкъдимнәр эшләп чыгарылды.
Белешмә
Хәзерге вакытка Идел буе федераль округында дүрт МИЗ эшли: Татарстандагы “Алабуга” сәнәгый-җитештерү зонасы (43 резидент, 5,5 мең эш урыны, җитештерү күләме елга 130 млрд. сум тәшкил итә), Самара өлкәсендә “Тольятти” сәнәгый-җитештерү зонасы (5,3 млрд. сум инвестицияләр гомуми күләме белән 16 резидент), “Ульяновск” порт зонасы (5 резидент, инфраструктурага 2 млрд. сум кертелде), Татарстанда “Иннополис” техник-кертү зонасы (илнең заманча тарихында беренче төзелүче фәнни шәһәр, халкы 150 мең кеше булачак).
МИЗ резидентлары салым һәм административ өстенлекләр алалар. Мәсәлән, махсус икътисади зоналарда “буш” һәм киметелгән салым, уңай административ режим, әзер инфраструктура һәм ачык сәүдә зонасы бар.