Талия Миңнуллина ТР Президентының «Сен-Гобен» (Saint-Gobain) компанииясе җитәкчелеге белән очрашуында катнашты

Бүген Татарстан Республикасы Президенты Рөстәм Миңнеханов «Сен-Гобен» (Saint-Gobain, Франция) компаниясе җитәкчелеге белән очрашты, Татарстан Республикасы Хөкүмәте Йортында узган чарада ТР ИҮА җитәкчесе Талия Миңнуллина катнашты.

Бүгенге очрашуда проектны гамәлгә ашыру буенча киләчәк планнар, хезмәттәшлекнең перспектив юнәлешләре турында фикер алыштылар.  

Рөстәм Миңнеханов, «Сен-Гобен СНГ» генераль директоры Гонзаг Арну де Пирены сәламләп, билгеләп үткәнчә, элегрәк яклар Петербург халыкара икътисадый форумы кысаларында очрашкан булганнар.

Гонзаг Арну де Пире республика җитәкчелегенә күрсәткән ярдәмнәре өчен рәхмәт белдерде һәм, Татарстан – компания өчен бизнесны үстерү җәһәтеннән мөһим регион булып тора, диде.

Saint-Gobain компаниясе, «Шишеджам» Төркия холдингы белән бергә, «Алабуга» МИЗ территориясендә автомобиль пыяласы һәм төзелеш материаллары җитештерү проектын гамәлгә ашыра. «Аутоматив Гласс Альянс Рус» Татарстан Республикасында штамп җитештерүен булдыру буенча беренче чит ил инвестицион проекты булып тора. Җитештерү 2014 елның 29 августында башлап җибәрелде. Компания Төркия сәнәгатенең лидерларның берсе булып тора, «Джошкуноз Алабуга» яңа заводында Ford Motor Company һәм «Соллерс» ОАҖ компанияләре гамәлгә ашырган Ford Sollers бердәм оешмасы өчен машиналарның штамплы кузов детальльләрен җитештерү алып барыла. «Джошкуноз Алабуга» ҖЧҖ 2013 елда Россиянең автомобиль секторының иң яхшы инвестицион проект номинациясендә җиңде.