Россиядә кайда инновацион бизнес алып бару табыш китерәчәк?

Гайдар форумы-2016 кысаларында бүген Россиянең инновацион регионнар ассоциациясе утырышы узды. Аны Ассоциация рәисе, Татарстан Президенты Рөстәм Миңнеханов уздырды. Утырыш барышында Россиядә инновацион бизнес мәсьәләләре, мәсәлән, регионнарда шул бизнес рейтингын булдыру мәсьәләләре каралды. Чарада Татарстан Республикасының инвестицион үсеш агентлыгы җитәкчесе Талия Миңнуллина катнашты. Дискуссиядә Красноярск крае губернаторы Виктор Толоконский, Томск өлкәсенең губернаторы Сергей Жвачкин, Новосибирск өлкәсе губернаторының урынбасары Анатолий Соболев, Башкортстан премьер-министр урынбасары Дмитрий Шаронов һәм башка рәсми шәхесләр актив катнаштылар. Утырыш ахырында Рөстәм Миңнеханов катнашучыларга рәхмәт белдерде һәм түбәндәге сүзләрне билгеләде: “Россиянең инновацион регионнар ассоциациясе Россия субъектларының позициясен консолидацияләргә мөмкинлек бирә”. Югары технологияле бизнес үсешенең шартлары һәм нәтиҗәләренең яңа рейтингы инновацион бизнесны кайда табышлырак алып баруын, регионнарда инновацион эшчәнлек нәтиҗәләре буенча реаль хәлне күрсәтергә чакырылган. Рейтинг эксперт бәяләренә түгел, ә сан күрсәткечләренә нигезләнәчәк дип планлаштырыла, бу аның дәлилләнгән булуын күрсәтәчәк. Ул регионнарны шартлар блогы һәм нәтиҗәләр блогының аерым компонентлары буенча бәяләчәк. Бу һәр компонент буенча лидерларны билгеләргә, һәр регион үсешенең көчле һәм зәгыйфь якларын күрсәтергә мөмкинлек бирәчәк. - Югары технологияле җитештерү һәрвакыт инновацион булып тормый. Татарстан монда булган җитештерүләрне модернизацияләү, яңа югары технологияле җитештерүләрне булдыру һәм инновацияләргә юл тотты. Рейтинг барыбер файдалы булачак, чөнки аны формалашуга аналитик караш эшмәкәрлек өчен инновацион тирәлек үсеше процессларында “тар” урыннарын табырга мөмкинлек бирәчәк. Бу Россия регионнарының глобаль бизнес тирәлегендә конкурентлыкка чыдамлыгын арттырырга мөмкинлек бирәчәк”, - дип Талия Миңнуллина әйтте. Гайдар форумы хәзер пленар утырышы белән дәвам ителә, анда Россия Федерациясе Хөкүмәтенең рәисе Дмитрий Медведев катнаша.