2016 елда мул инвестицион уңышны ничек алырга?

Татарстан Республикасының инвестицион үсеш агентлыгы вәкилләре «РБК-Татарстан» порталы редакциясе үзенең Казан партнерларына үткәргән “түгәрәк өстәл”дә катнаштылар. 26 февральдә узган чара “Яңа икътисади каршылыклар. 2016 елда нәрсе керем китерәчәк?” исемен алды. Әлеге сорауга җавап бирер өчен фонд базарында сәүдә өлкәсе, банк секторы, бизнесны страховкалау һәм күчемсез милек өлкәләреннән экспертлар чакырылды. Спикерлар бу елның җиңел булмавы турында бердәм фикер белдерделәр, әмма һәрберсе үз өлкәсендә инвестицион инструментларны тәкъдим итте яисә кайсы өлкәләргә акча инвестицияләмәү яхшырак булуын әйтте. Мәсәлән, «Счастливый дом» күчемсез милек агентлыгы директоры Анастасия Гизатова хәзерге икътисади шартларда күчемсез милек акчаларны саклау һәм арттыру ысулы булып тормый, хәзер квадрат метр бәясе төшә һәм кайчан әлеге кәкре сызык өскә күтәреләчәген әйтергә мөмкин түгел дип билгеләде. «Альпари» аналитик департаменты директоры урынбасары Анна Кокорева билгеләгәнчә, иң хәтәрсез капитал салулар – банкта процентка куелган депозитлар, корпоратив облигацияләр һәм кыйммәтле металлар. Татарстанда ВТБ 24 банкының идарә итүче директоры урынбасары Александр Михалицын банклар бу елда банк-партнерында хезмәт хакы картасы булган корпоратив клиент өчен актив көрәшәчәкләр дип ышана. Монда гади кешегә зур компаниядә тулысынча ак хезмәт хакы белән эшләргә яхшырак булыр. Шул чакта ул банк хезмәт күрсәтүен дә тулысынча алачак. ТР страховщиклар берләшмәсе президенты Рөстәм Сабиров үз хәбәре белән шатландырды. Страховой очраклар буенча түләүләр закон буенча бары тик ике елдан соң гына җыелган акчага җитәчәк. Шулай, узган елда түләүләр 37%ка артты: тормышны страховкалау буенча 160 мең сумнан 500 мең сумга кадәр, автогражданнар җаваплылыгы буенча 120 мең сумнан 400 мең сумга кадәр артты! Инвестицион үсеш агентлыгы вәкилләре җитәкче фикеренә кушылалар: - Акча, асылда, - кулларыгызда тоткан орлыклар. Аларны һәрвакыт кулларыгызда кыссагыз, алар тапкырланмаячак, әмма киресенчә – яраксызланачак. Инвестицияләр – җиргә утыртылган орлыклар. Әгәр сез җирне дөрес сайлыйсыз, аңа игътибар бирәсез икән, сезне инвестицион кырдан мул уңыш көтәчәк. Икенче төрле әйткәндә, ватаныбызның икътисадына инвестицияләр бу елда һәм һәрвакытта иң табышлы һәм ышанычлы капитал кертүе булып тора, - дип саный Татарстан Республикасының инвестицион үсеш агентлыгы җитәкчесе Талия Миңнуллина.