Роботлар финанс керемне ничек арттыралар
1 мартта “Сәүдә-сәнәгый диалог: Россия – Япония” бизнес-миссиясе эшенең икенче көнендә Татарстан Республикасының инвестицион үсеш агентлыгы җитәкчесе Талия Миңнуллина Россия делегациясе составында Фудзияма тавы итәгендә Яманаши префектурасында урнашкан FANUC компаниясенең заводын карады.
Кунакларга Япония галимнәренең иң яңа уйлап табулары – робот модельләре рәте, санлы программалы идарә системасы (СПИ), Robocut һәм Roboshot серияле станоклар тәкъдим ителде. Россия делегациясе вәкилләренә FANUC компаниясенең “интеллектуальлек”, “гадәттән тыш төгәл” һәм “югары функциональле” бәяләмәләрен алган югары сыйфатлы продукция җитештерүе турында сөйләделәр. Ул продукция үсешендә “югары ышанычлылык” сәясәтендә нык тора.
Япониядә компания хезмәткәрләренең өчтән бер өлеше фәнни тикшеренүләрдә һәм үз продукция өчен алдагы технологияләрне уйлап табу белән шөгелләнәләр. Барлык дөньяда 200 000 FANUC роботы урнаштырылган, аларның 30 000 Европа һәм Россиядә урнашкан. Барлык әйберләр Япониядә уйлап табыла һәм җитештерелә. Бу җитештерү линияләренең тулы роботизацияләү һәм автоматизацияләү ярдәмендә мөмкин.
- Японлылар Фудзи тавына чиксез сокланып карарга мөмкин дип әйтәләр. Шулай ук өзлексез бүгенге роботлар эше артыннан күзәтергә мөмкин – аларның төгәллегенә һәм көйлелегенә шигырьләр багышланган. Завод чыннан да дөнья мөһимлеген ала. Мәсәлән, Apple, Boeing Co., Coca-Cola, Вимм-Билль-Данн, Toyota Motor Co, General Motors Co, Volkswagen, Honda, BMW һәм башка компанияләр роботлар, СПИ системасы һәм FANUC станоклары белән файдаланалар. Ул FORBES инновацион компанияләр исемлегендә 35-нче урында тора. Заводта роботларның үзенә ошаганнарын ясауны карау кызык булды – меңнән артык робот бөтен технологик процессларның җитештерүчәнлеген арттыралар, техник өстенлекнең арттуына ярдәм итәләр һәм, әлбәттә, финанс керемен күтәрәләр, - дип Талия Миңнуллина фикер белән уртаклашты.
Белешмә. FANUC компаниясе СПИ уйлап табу буенча эшчәнлекне 1956 елда Futjitsu холдингы составында башлады. 1972 елда FANUC Ltd. бәйсез компаниягә нигез салынды. Шул ук елда FANUC компания уйлап тапкан һәм төзегән беренче сәнәгый роботны тәкъдим итте. FANUC дөньяда автоматизацияләү һәм роботизацияләү үсешенә зур өлеш кертте. Компаниядә үз лабораторияләр һәм тикшеренү үзәкләре, җитештерү һәм сынап карау мәйданнары бар. FANUC компаниясенең бөтен продукциясе бары тик Япониядә уйлап табыла һәм җитештерелә.