Татарстан һәм Кытайның инвестицион диалогы чын эшләргә гамәлгә ашырыла

4 мартта Татарстан Республикасының инвестицион үсеш агентлыгы җитәкчесе Талия Миңнуллина Татарстан Республикасының Президенты Рөстәм Миңнехановның Сычуань Кытай провинциясенең вице-губернаторы Лю Цзе белән очрашуда катнашты. Кунакларны сәламләгәндә, Рөстәм Миңнеханов Татарстан Республикасы Кытай белән актив аралаша, регионга КХР җитәкчелеге, бизнес-делегацияләр вәкилләре күп тапкыр килделәр дип әйтте һәм Казанда якын вакытта КХР консуллыгы ачылачак дип билгеләде. Очрашу барышында Кытай партнерлары белән хезмәттәшлек өлкәсендә берничә перспектив юнәлешләр билгеләнде. Мәсәлән, “КАМАЗ” ААҖ белән аралашу – Кытайда Россия зур йөк машиналарын һәм Татарстан территориясендә Кытай автомобильләрен җыю, Яр Чаллы мәйданында “Хайер” компаниясенең көнкүреш техника җитештерүен ачу һәм “Мәскәү – Казан” югары тизлекле тимер юл магистрален төзү проекты. Сычуань провинциясе белән контактлар турында сөйләгәндә, Рөстәм Миңнеханов Татарстанның 2014 елдан башлап “Идел – Янцзы” эшлекле группа составына керү, узган елның август аенда Татарстан Сычуань провинциясе белән хезмәттәшлек турында килешүгә кул кую турында искә төшерде. Лю Цзе әфәнде түбәндәге сүзләрне билгеләде: “Бу юлы Казанга килгән безнең эре компанияләр вәкилләре Татарстан территориясендә бердәм проектларны тормышка ашыру һәм, гомумән, Россиягә инвестицияләү вариантларында кызыксынуларын белдерделәр”. - Бары тик “Алабуга” МИЗ территориясендә Кытай бизнесы катнашуы белән өч компания бар, ә Яр Чаллыда апрельдә көнкүреш техника җитештерүе ачылачак. Бүген без күп төрле мәсьәләләр карадык: Казан – Чэнду туры авиа элемтәсе (2016 елның маенда Мәскәү – Чэнду рейсы ачылуы планлаштырыла), авиа- һәм вертолет төзелеш, авыл хуҗалыгы, мәгълүматлаштыру, көнкүреш техниканы җитештерү, мәгариф, туризм, мөмкин булган инфраструктур проектлар һәм шулай ук транспорт өлкәсендә аралашу. Ниятебез җитди. Якын вакытта Татарстанга Сычуань провинциясенең иң югары дәрәҗәле шәхес килергә планлаштыра, - дип очрашудан соң Талия Миңнуллина белдерде.