Итальянча бизнес: җитештерүне Татарстанда урнаштыру
19 сентябрьдә V.Orlandi Италия компаниясенең вәкиле Марко Римонди Инвестицион үсеш агентлыгына килде. Татарстан Республикасы территориясендә җитештерүне урнаштыру мәсьәләләре буенча сөйләшүләр визитның максаты булып тора.
V.Orlandi – йөк һәм тагылма техникасы өчен тарту-тоташтыргыч җайланмаларын эшләп чыгару һәм җитештерүдә специальләшкән иң зур җитештерү оешмасы. 1859 елда нигезләнгән. Компания Mercedes, Volvo, Scania, Iveco, DAF, MAN, Kamaz әйдәп баручы җитештерүчеләренең йөк автомобильләрен запас частьләр белән тәэмин итүче булып тора.
Очрашу барышында яклар мәйданны урнаштыру һәм логистик мөмкинлекләр кебек мәсьәләләр турында фикер алыштылар, кеше ресурслары, инфраструктураның файдалана алырлык булуы, банк хезмәте күрсәтү, салым салыну, шулай ук таможняны җайга салу темаларына чыгыш ясадылар. Потенциаль инвесторларга «Алабуга» махсус икътисадый зонасының өстенлекләре, компания-резидентлар өчен преференцияләр һәм МИЗ территориясендә оешмалар өчен булдырылган инфраструктура турында сөйләделәр.
«Россия базарында 400дән артык Италия компанияләре, 160ка якын бердәм Россия-Италия оешмалары бар. Татарстан «Пирелли», «Фиат», «Текнимонт» кебек компанияләр белән актив рәвештә хезмәттәшлек итә. «Пиксар Коатингс» Италия оешмасы «Алабуга» МИЗ резидентларының берсе булып тора. Болар барысы да Италиянең Россия һәм Татарстанның иң зур сәүдә-икътисади партнерларының берсе булуын раслый» - дип билгеләде Татарстан Республикасының инвестицион үсеш агентлыгы җитәкчесе.
21 сентябрьдә Татарстан Республикасыннан килгән делегациянең Германия Федератив Республикасына (Ганновер шәһәре) рәсми визиты кысаларында Татарстан Республикасының Президенты Рөстәм Миңнехановның V. Orlandi Италия компаниясе җитәкчелеге белән очрашуын искә төшерик. Элегрәк «Камаз» ААҖ белән V.Orlandi S.P.A арасында эшлекле группа оештыру турында килешү кабул ителде. Татарстан Республикасының инвестицион үсеш агентлыгы катнашуы белән яклар иң мөһим мәсьәләләрне җентекләп өйрәнәләр.
Безгә социаль челтәрләрдә кушылыгыз, яңалыклар һәм эксклюзив материалларны күзәтеп барыгыз:
