Иран делегациясе Инвестицион үсеш агентлыгына килде

2017 елның 4 июле, сишәмбе
Татарстан Республикасына рәсми визит белән Тебриз шәһәре (Иран) мэры Садега Наҗафи Хезерлу килде, аның белән бергә Тебризның 5нче округы җитәкчесе Ягуб Хушяри, Тебризда Иранның Чит ил эшләре министрлыгы вәкиллегенең җитәкчесе Рагеб Бабаи һәм Иранның Казанда Генераль консуллыгының консул вәкаләтләрен башкаручы Али Беман Эгбали Зарч килделәр. Татарстанда булу кысаларында Тебриз шәһәре делегациясе Инвестицион үсеш агентлыгында булды. Агентлык җитәкчесе Талия Миңнуллина Бердәм презентацион үзәгендә кунакларны Татарстанның икътисади потенциалы, чит ил компанияләре һәм партнерлары өчен инвестицион өстенлекләр белән таныштырды һәм регионнар арасында охшаш мәдәни һәм дини үзенчәлекләрен билгеләде. “Иран Татарстан Республикасы өчен стратегик партнер, бердәм проектларны комплекслы алып баруын алырга без һәрвакыт әзер”, - дип сөйләшү барышында Талия Миңнуллина ассызыклады. Тебриз мэры үз чиратында Иран ягының Казанда бер яшел зонасын төзекләндерү нияте турында әйтте, шулай ук Иранда Казан көннәрен үткәрергә тәкъдим итте, киләчәктә үзенең шәһәрендә Татарстан башкаласы белән дус мөнәсәбәтләрне чагылдыручы паркны ачу турында белдерде. Тебриз шәһәре делегациясе Казан мэры Ильсур Метшин белән дә очрашты, алар хезмәттәшлек сораулары буенча уртаклаштылар. Татарстан Республикасы һәм Тебриз шәһәре арасында җылы мөнәсәбәтләр тарихы урнаштырылды. 2007 елда Тебризда «КАМАЗ» заводы төзелде. 2009 елдан Казан һәм Тебриз тугандаш шәһәрләр булып тора. 2015 елның февралендә Казанда Тебриз көннәре узды. 2015 елның мартында Талия Миңнуллина Татарстан Республикасының Иранга рәсми визиты кысаларында Көнчыгыш Әзербайҗан Провинциясе губернаторы Исмаил Джаббарзаде һәм Тебриз мэры Садега Наджафи белән очрашты, Тебриз кафель плиткалары заводын, Иран трактор төзү компаниясен һәм Тебриз нефтехимия компаниясен карады. 2016 елның сентябрендә Инвестицион үсеш агентлыгында Иран Ислам Республикасының Али Ризо Джабарион җитәкләгән аяк киеме берләшмәсе вәкилләре белән очрашу узды. Берләшмә 90 ел элек Тебризда барлыкка килде. Хәзерге көнгә берләшмәгә Иранда урнашкан 6000 кибер керә. Аяк киемен һәм күн әйберләрне җитештерү белән 120 мең кеше шөгелләнә. Сыйфатлы продукция  Иран, Әзербайҗан, Украина, Ирак, Әфганстан, БГЭ илләрендә сатыла. Иранның 60% җитештерелгән аяк киеме һәм 80% күн әйберләре Тебризда ясала.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International