Татарстан – Россия һәм Кытай мөнәсәбәтләренең үсеш катализаторы
2019 ел, узган елдагы кебек үк, Россия регионнары һәм Кытай арасындагы хезмәттәшлек эгидасы астында уза. Шулай итеп, Кытай Халык Республикасы Дәүләт Советы әгъзасы Ван Юн җитәкчелегендәге Кытай Хөкүмәт делегациясе эш визиты белән Татарстан Республикасына килде.
Казан Кремлендә Татарстан Республикасының Президенты Рөстәм Миңнеханов белән очрашу узды. Рөстәм Нургалиевич билгеләп үткәнчә, «Идел-Янцзы» форматында Россия һәм Кытайның регионара хезмәттәшлеге советы утырышы алдыннан узган очрашуга бик шат.
Яр Чаллыда кунаклар «КАМАЗ» ГАҖ эше белән таныштылар һәм Haier көнкүреш техникасы җитештерү заводында, шулай ук Казан вертолет заводының җитештерү мәйданчыкларында булдылар.
Төзелеш, азык-төлек һәм химия сәнәгате, шулай ук энергетика һәм автомобиль төзелеше өлкәләрендә регионара хезмәттәшлекне киңәйтү мөмкинлекләре турында Татарстан Республикасының инвестицион үсеш агентлыгында Хубэй провинциясе хакимият һәм эшлекле даирәләре вәкилләренең зур делегациясе катнашуы белән уртаклаштылар.
Инвестицион сессиядә Кытай эшкуарлары үз компанияләренең эшчәнлеген тәкъдир иттеләр һәм агентлык белгечләренә Татарстан территориясендә проектларны гамәлгә ашыруга кагылышлы кызыксындырган сораулар бирделәр.
Кунакларга республиканың узып киткән социаль-икътисади үсеш территориясе статусына ия булган 5 шәһәре, шул исәптән Чаллы, Түбән Кама, Менделеевск, Чистай һәм Яшел Үзән турында сөйләделәр. Биредә бизнес алып баруның аерым шартлары түбәндәгечә: беренче 5 ел эчендә табышка салым нибары 5% тәшкил итә, ә бу вакыт үткәннән соң – 12%. Моннан тыш, резидентлар шәһәрдә эшчәнлек вакытына милек һәм җир салымыннан азат ителә, ә резидентлар өчен иминият кертемнәре 7,6% тәшкил итә. Әлеге территорияләрнең тагын бер өстенлеге – барлык җирләрне түбән ставкалар буенча озак сроклы арендага рәсмиләштерергә мөмкин.
Татарстанда бизнес алып бару перспективаларын өйрәнгәннән соң, Татарстан-Кытай бизнес-җәмәгатьчелеген киңәйтү максаты белән безнең республика эшкуарлары белән диалог төзелде, ә B2B форматындагы очрашуларда потенциаль партнерлар тәҗрибә һәм контактлар белән алмаштылар, шулай ук базарны бергә арттыру юлларын билгеләделәр.
2018 ел нәтиҗәләре буенча Татарстан һәм Кытай арасында товар әйләнеше 10 процентка артты һәм 630 млн доллар тәшкил итте.
Кытайның Шаньдун, Сычуань, Хунань, Аньха, Чжэцзян, Хэйлунцзян провинцияләре белән килешүләр, шулай ук муниципаль берәмлекләр арасында 14 килешү имзаланды. Пекинда Татарстанның сәүдә-икътисадый вәкиллеге эшли, ә Казанда Кытайның Генераль Консуллыгы эшли.
Кытай милли химик-инженер корпорациясе катнашында Татарстанда минераль ашламалар җитештерү буенча «Аммоний» заводы төзелде; Тяньцзин икътисади һәм техник үсеш зонасы белән Татарстан «Алабуга» МИЗның 3-нче чиратын үстерү өчен уртак предприятие өстендә эшли.
Петербург халыкара икътисадый форумында «Haier» акыллы заводы проектын гамәлгә ашыру буенча ниятләр турында килешүгә имза куерга планлаштырыла. Рөстәм Миңнеханов Россия Президенты Владимир Путинга шундый үтенеч белән мөрәҗәгать итте.
«Без Россия-Кытай дустанә мөнәсәбәтләре кысаларында регионара хезмәттәшлекне үстерүгә шат. Татарстан һәм Кытайның моның өчен зур потенциалы бар. Бүген, Кытай хакимияте һәм бизнесы вәкилләре белән диалог корып, без уртак проектларны гамәлгә ашыру һәм илләрнең товар әйләнешен арттыру перспективаларын киңәйтәбез. Татарстан -бизнес алып бару өчен иң яхшы шартлар булган Россиянең әйдәп баручы регионы. Республика территориясендә күп кенә эре Кытай компанияләренең проектлары уңышлы тормышка ашырыла инде. Быел Татарстанда яңа җитештерүләрне эшләтеп җибәрүче Haier компаниясе уңышка ачык мисал булып тора: «Яр Чаллы» өстенлекле социаль-икътисадый үсеш территориясендә суыткыч җиһазларыннан һәм кер юу машиналарыннан тыш Haier маркалы телевизорлар җитештереләчәк. Россия һәм БДБ илләре базары өчен җитештерү күләме елына 300 мең берәмлек тәшкил итәчәк», – дип билгеләде Татарстан Республикасының инвестицион үсеш агентлыгы җитәкчесе Талия Миңнуллина.