Татарстан инвесторлары Рөстәм Миңнехановка 2019 ел нинди булуын сөйләячәкләр
Ел азагы – гадәттәгечә, нәтиҗәләр ясау һәм яңа үрләргә ирешү юлларын билгеләү вакыты. Төбәкләрнең мул тормышы инвестицион эшчәнлек билгели, ул Татарстанда зур инфраструктура һәм төрле илләрдән күп компанияләр тәкъдим итә. 17 декабрьдә Казанда Kazan Palace Hotel by Tasigo биш йолдызлы кунакханәсендә («Кристалл» залы) республика Инвесторлар Клубының йомгаклау утырышы узачак.
Чарада Татарстан Республикасының Президенты Рөстәм Миңнеханов, Татарстан Республикасының инвестицион үсеш агентлыгы җитәкчесе Талия Миңнуллина, республиканың эре предприятиеләре һәм дәүләт хакимияте органнары җитәкчеләре катнашачак.
Мондый очрашулар бизнес һәм хакимият арасындагы багланышлар урнаштыруга, инвесторлар белән икеяклы элемтәләрне җайга салуга, компанияләрнең Татарстанның инвестицион климатын формалаштыруда катнашуына, компанияләрнең интеграциясенә һәм партнерлыгына, шулай ук республикада бизнес алып бару өчен уңайлы шартлар булдыруга ярдәм итә.
«Татарстан бишенче ел рәттән Россия төбәкләрендә инвестицион климат торышының Милли рейтингында алдынгы позицияләрне саклап кала.
2019 елның беренче яртыеллыгында Татарстанга чит ил инвестицияләре күләме 2018 елның шушы чорына карата 46,9% ка арткан. Узган ел аларның дүрттән бере генә туры булса, быел нәкъ менә турыдан-туры инвестицияләр – Татарстанга килгән капиталның яртысыннан артыгы. 2019 елның беренче яртыеллыгы нәтиҗәләре буенча чит ил инвестицияләре 25 дәүләттән керде, ә инде 79 ил безнең инвесторлар булып тора, Россия субъекты өчен бу бик яхшы күрсәткеч.
Чаллыда Haier Кытай корпорациясенең кер юу машиналары җитештерү буенча заводы ачылды, Яшел Үзәндә – X5 Retail group күмәртәләп сату-бүлү үзәге ачылды, шулай ук OZON һәм Wildberries эре халыкара компанияләренең заманча бүлү үзәкләрен төзү билгеләнгән. «Алабуга» МИЗ территориясендә «Транснефть-Синтез» турбулентка каршы утыртмалар чыгару заводы, Borner биохимия төзелеше инновацион заводы ачылды; үсемлекләрне саклау чараларын җитештерү буенча «Август-Алабуга» эшләтеп җибәрелде. Түбән Камада «Пионер» индустриаль паркы ачылды, анда «Роскамасталь» Россия-Кытай предприятиесе рулон буяу производствосы эшләтеп җибәрелде.
Без һәр инвесторга рәхмәт белдерәбез һәм бәялибез, һәм республика проектларны гамәлгә ашыру өчен иң уңайлы һәм нәтиҗәле регион булып калсын өчен барысын да эшләргә тырышабыз. Инвесторлар клубы әгъзаларының очрашуларында без бизнес һәм хакимият арасындагы чикләрне җимерәбез, бер-беребезгә уртак уңыш юлындагы теләсә нинди каршылыкларны бетерү өчен уңайсыз сораулар бирәбез, үзебезне һәм зур команданы үстерәбез», – дип Талия Миңнуллина белдерде.
Быел Инвесторлар клубы әгъзалары очрашулары интеллектуаль уен форматында уза. «Нәрсә? Кайда? Кайчан?» магистры, ике тапкыр «Бәллүр ябалака» иясе Елизавета Овдеенко 2019 елда Татарстанның эшлекле җәмәгатьчелеге өчен үзенең «Brain Zona» авторлык квизын өч тапкыр үткәргән иде инде: Казан, Кама һәм Әлмәт агломерацияләрендә. «2019 елда Татарстанның иң акыллы инвесторы» статуэткасына һәм титулына кем ия булачак соң»?