Татарстан югары технологияле хезмәттәшлек кора һәм Кытай белән сәүдә-икътисадый мөнәсәбәтләрне үстерә
Талия Миңнуллина эш визиты белән Кытай Халык Республикасында булды һәм Шэньси һәм Гуандун провинцияләренең сәнәгать гигантлары җитәкчелеге белән эшлекле элемтәләрне үстерү перспективалары турында фикер алышты.
Татарстан белән КХР арасындагы ныклы партнерлык мөнәсәбәтләре бәйли: Шаньдунь, Хунань, Сычуань, Аньхой, Хэйлунцзян, Чжэцзян һәм Чунцинь провинцияләре белән 7 килешү; муниципалитетлар дәрәҗәсендә сәүдә-икътисадый элемтәләр, мәдәни, мәгариф, туристлык һәм башка юнәлешләр өлкәсендә хезмәттәшлек итү буенча 14 килешүгә кул куелды. Шэньси провинциясе башкаласы Сиань шәһәре белән мәдәният, тарих, сәнгать һәм фән өлкәсендә төрле проектлар һәм программалар тормышка ашырыла торган тарихи шәһәрләр лигасы кысаларында хезмәттәшлек алып барыла. Болар барысы да соңгы 3 елда Татарстан белән Кытай арасында тышкы сәүдә әйләнеше 2 тапкырга артуына ярдәм итте. 2019 елда «Яр Чаллы» өстенлекле социаль-икътисади үсеш үзәгендә Haier кер юу машиналары производствосын ачу тантанасы булды, Түбән Камада – «Пионер» индустриаль паркы һәм «Камасталь» оцинкланган рулонлы корычны буяу буенча Россия-Кытай предприятиесе.
Сиань шәһәренә эш визиты кысаларында Талия Миңнуллина «Yaobai» цемент корпорациясендә булды: күргәзмә залында икътисади күрсәткечләр белән танышты, яңа фәнни-тикшеренү үзәге эшчәнлеген, шулай ук сәнәгать объектлары белән зур мәгълүмат үзәге эшен өйрәнде. «Yaobai» – Кытайның төньяк-көнбатышында цемент җитештерүче һәм дистрибьюторының партнеры. Бу – Шэньси, Гуйчжоу һәм Синьцзян провинцияләрендә 35 филиал һәм бүлендек компанияләр тәкъдим иткән предприятиеләрнең зур төркеме.
Талия Миңнуллина шулай ук Шэньси провинциясенең иң эре сәнәгый уенчысы – «Фупин» компаниясенең («Yaobai» корпорациясе) җитештерү куәтләрен карады. Кытай Халык Республикасы рәисе Си Цзиньпинның (Фупин шәһәре) туган шәһәрендә урнашкан цемент продукциясе белән әйдәп баручы тәэмин итүче җитәкчелеге белән уртак проектларны гамәлгә ашыру перспективалары хакында фикер алыштылар. Кытай ягы партнерлык мөнәсәбәтләрен урнаштыруга әзер. Татарстан, үз чиратында, экологик нормаларны төгәл үтәүче, җитештерүдә һәм куркынычсызлыкны тәэмин итүдә алдынгы технологияләрне куллана торган компания принципларын уртаклаша. Продукция зур бетон массивларын, биек тоннельләрне, югары тизлекле магистральләрне, тимер юлларны, күперләрне, тоннельләрне, сусаклагычларны, дамбаларны, очып китү-утыру полосаларын, шулай ук сәнәгать һәм гражданлык корылмаларын төзегәндә киң кулланыла.
Чжухай шәһәрендә ТР ИҮА башлыгы югары технологияле компаниядә булды, анда Hengqin GHLC эшләнмәләрен өйрәнде. Компаниянең 6 чит ил вәкиллеге, 35 патенты бар, ул диңгез югары технологияләре, энергетика куркынычсызлыгы индустриясе, сәламәтлек саклау, санлы икътисад, сәнәгать һәм индустриализация өлкәсендәге фәнни тикшеренүләрдә фокуслана. Эшлекле мөнәсәбәтләрне ныгыту өчен Талия Миңнуллина Юйси Мэн җитәкчесен һәм компания вәкилләрен 2020 елның беренче яртысында Татарстанга җавап визиты белән чакырды.
Моннан тыш, Талия Миңнуллина әйдәп баручы Бөтендөнья төзелеш конгломераты – CREC бишенче тимер юл корпорациясе генераль директоры белән Татарстанда инвестицион проектларны тормышка ашыру мөмкинлеге турында сөйләшүләр үткәрде.
«Татарстан – Кытай компанияләре өчен Россия базарына керү ноктасы. Моның өчен бездә барысы да бар: чимал базасы, логистика, инвестицион инфраструктура. Без инвесторларга һәрьяклап ярдәм итәбез. Кытай Татарстанның стратегик партнеры булып тора. Хезмәттәшлек төрле өлкәләрдә үсә. Хәзер без «Алабуга» МИЗ базасында Россия-Кытай МИЗ дип аталган уртак предприятие булдыру өстендә эшлибез. Һәм бүген Кытайда Без бергә Кытай-Россия региональ хезмәттәшлегенә, сәүдә-икътисадый алмашуга ярдәм итү өчен практик адым ясыйбыз һәм Татарстанга инвестицион агымнарны киңәйтәбез», – дип Талия Миңнуллина белдерде.