Татарстан эшкуарлары коронавирус пандемиясе шартларында ярдәм чараларын киңәйтү буенча үз тәкъдимнәрен керттеләр
Татарстан Республикасы Президенты Рөстәм Миңнеханов һәм Россия Президенты каршындагы Эшкуарлар хокукларын яклау буенча вәкаләтле вәкил Борис Титов республиканың эшкуарлык җәмәгатьчелеге белән онлайн-очрашу уздырдылар.
Бүген ил җитәкчелеге тарафыннан бизнеска ярдәм итү буенча кирәкле чаралар күрелә. Алар арасында тикшерүләр, салым һәм кредит отсрочкалары, еллык 0% белән хезмәт хакын түләүгә ссуда алу мөмкинлеге һ.б. бар.
«Республика дәрәҗәсендә без көн саен агымдагы ситуациягә мониторинг үткәрә, кече һәм урта предприятиеләребезнең финанс-икътисади хәлен анализлый торган эшче төркем оештырдык. Эшче төркем федераль хакимият органнары белән тыгыз элемтәдә тора", - дип билгеләп үтте Татарстан Президенты.
Региональ ярдәм чаралары эшләнә: субсидияләр, салым ташламалары. Федераль чараларны гамәлгә ашыру буенча аның төбәк өлеше гамәлгә ашырылачак.
Онлайн-очрашу барышында эшмәкәрләрне борчыган күп кенә мәсьәләләр каралды.
«Бүген безнең алда республиканың бизнесын, эшлекле климатын саклап калу мәсьәләсе кискен тора, чөнки бу төбәкнең һәм безнең гражданнарның иминлегенә йогынты ясый. Без, үз чиратыбызда, 24/7 инвесторлар белән элемтәдә торабыз. Мин җитәкләгән Агентлык "бер тәрәзә" принцибы буенча инвесторлар белән эшләү өчен булдырылган махсус дәүләт хакимияте органы булып тора», - дип билгеләде ТР Инвестицион үсеш агентлыгы җитәкчесе Талия Миңнуллина.
Туры кертү өчен Агентлыкның әйдәүче белгечләре, шулай ук инвесторлар да кушылды. Kazan Palace by Tasigo генераль директоры Серкан Аслан НДС ставкасын 20% тан киметү ихтималы турында сорау бирде, Борис Титов билгеләп үткәнчә, коронавирус пандемиясеннән аеруча зыян күргән секторлар өчен НДС ны 10% ка кадәр киметү мөмкинлеге каралачак.
Бизнес вәкилләрен шулай ук мобиль сәүдә алып бару өчен мәйданчыклар булдыру мөмкинлеге дә кызыксындырды. Рөстәм Миңнеханов шундый мәйданчыкларның берсе-Агропромпарк булуын билгеләде, әмма зур ихтыяҗны исәпкә алып, өстәмә нокталарны ничек оештырырга кирәклеген уйларга кирәк.
Әңгәмә барышында Рөстәм Миңнеханов Борис Титовка вакытлы эш белән тәэмин итүгә субсидияләр бүлеп бирү буенча зыян күргән тармакларга ярдәм итү тәкъдиме белән мөрәҗәгать итте.
«Кешеләрне сакларга кирәк. Иң мөһиме - кешеләр! Бүген түләү алу өчен кеше эштән китәргә һәм махсус ресурста теркәлергә тиеш. Хезмәт коллективларын саклап калу бик мөһим», - дип мөрәҗәгать итте Рөстәм Нургалиевич, моңа Россия бизнес-омбудсмены әлеге мәсьәләнең һичшиксез каралачагын билгеләп үтте.