Интеллектуаль транспорт системалары буенча беренче Үзәк-Көнчыгыш конгрессы онлайн режимда сентябрьдә узачак
2020 елның 21-24 сентябрендә Татарстан Республикасы башкаласында интеллектуаль транспорт системалары буенча беренче Үзәк-Көнчыгыш конгресс узачак.
Конгрессны оештыручы – ERTICO ITS Europe ассоциациясе, шулай ук Россия Федерациясе министрлыклары һәм ведомстволары һәм Татарстан Республикасы Хөкүмәте.
Бу – ERTICO ассоциациясе тарихында Россиядә, БДБ илләрендә, Урта Көнчыгыш, Европа һәм Азия илләрендә ИТС үсешенә юнәлдерелгән яңа һәм масштаблы чара.
«Бу безнең ил өчен уникаль тармак вакыйгасы. Һәм беренче тапкыр без масштаблы онлайн форумын уздыру турында белдерәбез, шул рәвешле без event-индустриянең яңа технологик мөмкинлекләрен үстерү юлында торабыз.
Конгресс чараларында 500 чит ил һәм Россия делегаты, 100 гә якын дөнья һәм Россия ММЧ вәкилләре катнашачак», – дип Татарстан Республикасының инвестицион үсеш агентлыгы җитәкчесе Талия Миңнуллина уртаклашты.
Конгресс фәлсәфәсе – транспорт хәрәкәтен тотрыклы үстерү максатыннан ИТС дөнья җәмәгатьчелеген берләштерү. Төп идея – инновацияләрне җәлеп итеп, «акыллы киләчәк» булдырабыз.
Казандагы Конгресс куркынычсыз, нәтиҗәле һәм уңайлы мобильлекне тәэмин итү максатыннан ИТС өлкәсендәге карарларны тәкъдир итү өчен дөнья платформасын тәкъдим итәчәк.
Төп тематик юнәлешләр: транспорт хәрәкәте белән идарә итү, җәмәгать транспорты, транспорт хәрәкәтен оештыру өлкәсендәге законнар, зур мәгълүматлар, тикшеренүләр һәм эшләнмәләр, инновацияләр, пилотсыз юлдашлар, ИТС һәм әйләнә-тирә мохит, мобиль кушымталар, ИТС өлкәсендә кадрлар әзерләү.
Конгресс форматы бай эшлекле программа, нетворкингны күздә тота.