Мисырның Россиядәге илчесе Ихаб Әхмәд Талаат Нәср: «Татарстан – Мисыр өчен инвестицион җәлеп итүчән регион»
Татарстан Республикасының инвестицион үсеш агентлыгы «Россия – Ислам дөньясы: KazanSummit» Халыкара икътисади саммитының еллык эшлекле программасы кысаларында ИХО илләренең Россиядәге Гадәттән тыш һәм Тулы вәкаләтле илчеләре һәм бизнес вәкилләре белән «Covid-19 коронавирус инфекциясенең ИХО (G-to-B) илләре икътисадына йогынтысы» темасына онлайн-интервьюлар сериясен дәвам итә.
14 августта Мисыр Гарәп Республикасының Россиядәге Гадәттән тыш һәм Тулы вәкаләтле Илчесе Ихаб Әхмәд Талаат Нәср белән әңгәмә узды.
Талия Миңнуллина Илчегә саммитта актив катнашканнары өчен рәхмәт белдерде һәм илләр һәм төбәкләрнең эшлекле мөнәсәбәтләре үсешенең мөһимлеген ассызыклады.
«Без ике яктан да тыгызрак хезмәттәшлек итү һәм бизнес һәм коммуникацияләрне цифрлаштыру мөмкинлеге өчен һәръяклап тиражлы хәлгә рәхмәт белдерергә тиеш.
Бүген, Татарстан, бик актив төбәк буларак, безнең илләрнең дәүләтара һәм төбәкара хезмәттәшлеген ныгытуда катнаша. «Россия – Ислам дөньясы: KazanSummit» халыкара икътисадый саммиты актив хезмәттәшлекне үстерү өчен зур чара булып тора. 2021 елда без янә үзебездә кунакларны кабул итүгә шат булачакбыз. Киләсе икътисадый саммитта мин Мисырга багышланган аерым сессия оештырырга теләр идем. Һәм хәзер без игътибар итәргә теләгән икътисадый аспектлар буенча фикер алышу өчен уникаль мөмкинлекләребез бар», – дип Талия Илгиз кызы сәламләү сүзендә билгеләде.
ТР ИҮА башлыгы булачак «Россия – Ислам дөньясы» саммиты кысаларында Мисырга һәм илләр арасында авыл хуҗалыгы мөнәсәбәтләрен үстерүгә багышланган уртак сессиясе турында, шулай ук Татарстанның инвестицион җәлеп итүчәнлеге турында җентекләп сөйләде.
Әңгәмә кысаларында яклар Covid-19 коронавирус йогышы фонында илләрнең икътисадый үсеше, гамәлдәге шартларда бизнеска ярдәм итү буенча күрелә торган чаралар, аеруча кирәкле белгечлекләр, икътисади өлкәләрне диджитализацияләү һәм башка күп кенә мәсьәләләр турында фикер алыштылар.
Илче, үз чиратында, Агентлыкка вебинар оештырган һәм дискуссиядә катнашырга чакыру өчен рәхмәт белдерде: «Мин Татарстан белән мөнәсәбәтләребезгә бик җылы карыйм. Татарстан Республикасы Мисыр өчен иң җәлеп итә торган регион булып кала бирә. Без республикада көчле инвестицион партнер һәм фикердәшне күрәбез».
Шунысы куанычлы, бүген илләр COVID-19 икътисади нәтиҗәләренә каршы көрәш буенча стратегик якын килүдә тәҗрибә уртаклашып кына калмый, ә эшлекле мөнәсәбәтләрнең яңа дәрәҗәсенә дә чыга.
Трансляцияне сылтама буенча карарга була.