Түбән Камада химия һәм нефть химиясе сәнәгате хезмәткәрләре көне
Бүген Түбән Камада «Танеко» нефть эшкәртү комплексында каталитик крекинг, водород һәм май җитештерү җайланмаларын файдалануга тапшыру тантанасы булды. Чарада Татарстан Республикасының инвестицион үсеш агентлыгы җитәкчесе Талия Миңнуллина катнашты.
Өч яңа производствога кертелгән инвестицияләрнең гомуми күләме 31 млрд сумнан артып киткән. Яңа җайланмаларны төзегәндә «Татнефть» Россиянең егермегә якын шәһәрендә – Казанда, Бөгелмәдә, Санкт-Петербургта, Уфада, Ижауда, Волгоградта, Екатеринбургта, Таганрогта һ.б. заводларны заказлар белән тәэмин итте.
2010 елдан "Танеко"да 21 җайланма сафка кертелгән, нефть эшкәртү комплексының проект егәрлеге елына 15 млн. тоннадан артык тәшкил итә.
Шулай ук Химик көнен бәйрәм итү кысаларында Татарстан Республикасында «Түбән Кама нефть химиясе» ҖАҖдә елына 60 мең куәтле эремә бутадиен-стироль синтетик каучук (ДССК) һәм стирол-бутадиен-стироль термоэластопластлар (ТЭП) җитештерү буенча яңа төр продукцияне җитештерү ачышы тантанасы узды. Татарстан Республикасының инвестицион үсеш агентлыгы җитәкчесе Талия Миңнуллина Татарстан Республикасының Хөкүмәт әгъзалары составында республиканың алдынгы химия предприятиеләре күргәзмәсен карады.
Кунакларга ДССК яңа җитештерү мәйданчыгын күрсәттеләр, ул компаниянең стратегик проекты булып тора. Аны төзүгә 2019 елда керештеләр. Проектны тормышка ашыруның актив фазасы коронавирус инфекциясе пандемиясе белән бәйле катгый чикләү чаралары кертү вакытына туры килде. Шуңа да карамастан, барлык төзелеш эшләре тулы күләмдә башкарылган.
Яңа производствоны төзегәндә сәнәгать һәм экологик куркынычсызлыкның халыкара стандартларына туры килә торган иң заманча технологияләр кулланылган.