«Регионнарның инвестицион җәлеп итүчәнлеген үстерүдә кластерлар» дискуссиясе
TCI Network Бөтендөнья кластерлы конференциясенең соңгы көнендә инвестицияләр өлкәсендә meet-up чит ил һәм Россия экспертларының инвестицион сәясәтне кластерлы үстерү мәсьәләсе буенча очрашу узды. Әлеге сессиянең модераторы Татарстан Республикасының инвестицион үсеш агентлыгы җитәкчесе Талия Миңнуллина булды.
Спикерлар сәнәгатьнең авыр, машина төзелеше тармагыннан алып сәламәт яшәү рәвеше икътисадына кадәр төрле юнәлешләренә кластерларны кертү темаларын күтәрделәр.
Кластер сәясәте өлкәсендә халыкара эксперт Алексей Праздничных киләчәкнең перспективалы базарларын билгеләп үтте.
«Яңа кластерлар төзү һәм киләчәкнең цифрлы икътисады», «Сәламәт яшәү рәвеше икътисады», «Түбән углерод икътисад», «Ябык цикл икътисады», «Тәэсирләр икътисады» кебек базарларның потенциалын тормышка ашыру өчен, лидер төбәкләр активрак җәлеп итә», — дип билгеләп үтте эксперт.
Дискуссиядә шулай ук Дэвид Террерос (Басков иле, Испания), Тамара Рондалева («Санкт-Петербург» МИЗ), Анатолий Валетов (Инновацион кластер, Мәскәү) катнаштылар. Алар үзләренең инвестицион мәйданчыклары территориясендә кластерлар эше тәҗрибәсе турында сөйләделәр, конференциядә катнашучылар үз төбәкләренең өстенлекләре турында сөйләделәр. «Татарстан Россиядә беренчеләрдән булып кластер сәясәтен үзенең социаль-икътисадый үсеш стратегиясенә кертте, ул чакта башка төбәкләр аның турында сөйли генә башлаган иде, шуңа күрә TCI Network кебек эре һәм мөһим дөньякүләм чараның нәкъ менә Казанда узуы гаҗәп түгел», — дип өстәде сессия спикерлары.