Татарстан Республикасында Сенегал делегациясе белән очрашу
Татарстан белән Сенегал арасындагы хезмәттәшлек зур потенциалга ия, аны күбрәк гамәлгә ашырасы бар – бүген Татарстан Республикасы Инвестицион үсеш агентлыгы һәм Татарстан Республикасы сәнәгать һәм сәүдә министрлыгы вәкилләре Сенегал делегациясе белән фикер алыштылар.
Татарстан Республикасының инвестицион үсеш агентлыгы җитәкчесе урынбасары Марина Епифанцева очрашу барышында Көнбатыш Африка кунакларына Татарстан белән эшләүнең өстенлекләре, республикада уңайлы инвестицион климат һәм икътисади һәм мәдәни хезмәттәшлек кысаларында башка чит илләр тәҗрибәсе турында сөйләде.
Сенегал делегациясе шулай ук Татарстан Республикасы Президенты белән очрашты. Рөстәм Миңнеханов билгеләп үткәнчә, хезмәттәшлек өчен хәләл индустриясе мөһим юнәлеш булып тора. "Сенегал - мөселман иле. Без сезнең иң төньяк кардәшләрегез. Быел без Идел буе Болгар дәүләтендә ислам динен кабул итүгә 1100 ел тулуны бәйрәм итәчәкбез. Бу бәйрәмдә Сенегалдан килгән дусларыбызны күрергә шат булачакбыз", - диде ТР Президенты.