Икътисадый характердагы өстәмә ярдәм чаралары
РФ Президенты Владимир Путин илнең финанс тотрыклылыгын тәэмин итү буенча өстәмә вакытлы чаралар турында Указга кул куйды. Документ тексты Кремль сайтында китерелә.
Аерым алганда, 2 марттан Россиядә РФ һәм аның гражданнарына каршы хәрби гамәлләр кылган дәүләтләргә бәйле чит ил затлары өчен алыш-бирешләрнең аерым тәртибе кертелә. Яңа чаралар шундый чит ил затларына рубль кредитлары һәм займнары бирү операцияләренә, шулай ук "кыйммәтле кәгазьләргә һәм rүчемсез мөлкәткә милек хокукы барлыкка килү" үз артыннан килгән алыш-бирешләргә кагыла.
Мондый операцияләрнең "Россия Федерациясендә чит ил инвестицияләрен гамәлгә ашыруны контрольдә тоту буенча Хөкүмәт комиссиясе тарафыннан бирелә торган рөхсәтләр нигезендә гамәлгә ашырылырга мөмкин" дип аныклана. Кирәк булганда, бу рөхсәтләрдә килешүләрне үтәү шартлары булырга мөмкин.
Шул ук вакытта кыйммәтле кәгазьләрне сатып алу операцияләре Үзәк банк тарафыннан РФ Финанс министрлыгы белән килештереп бирелә торган һәм билгеле бер шартлар булган рөхсәтләр нигезендә оештырылган торгларда гамәлгә ашырыла ала.
Моннан тыш, Указның гамәлдә булуы, әгәр сүз 2022 елның 22 февраленнән соң сатып алынган акцияләр яки күчемсез милек турында барса, теләсә кайсы башка дәүләтләрдән чит ил кешеләре белән алыш-бирешләргә дә кагылачак.
Dалюта белән jперацияләр
Шул ук Хөкүмәт комиссиясе карарлары нигезендә РФ резидентлары валютаны чит ил счетларына күчерә ала. Дүшәмбе көнне дәүләт башлыгының АКШның дошманга каршы гамәлләре һәм аларга якын килгән илләр белән бәйле махсус икътисади чаралар куллану турындагы Указы басылды. Ул шул исәптән Россия резидентларына илдән читтә банклардагы счетларга валюта кертүне, шулай ук резидентларга валютада кредит бирүне тыюны да билгеләгән. Карар 1 марттан гамәлдә булды.
Яңа документ бу чараларга төзәтмәләр кертә, шулай ук Хөкүмәт комиссиясе рөхсәте белән мондый алыш-бирешләрне башкарырга мөмкинлек бирә. Хөкүмәткә биш көн эчендә әлеге килешүләр төзү өчен кирәкле рөхсәтләр бирү тәртибен раслау йөкләнде.
Шулай ук кредит оешмаларының, Указда каралган чикләүләрне исәпкә алып, чит ил валютасында, банк-резидентлардагы корреспондент счетларына акча күчерүне гамәлгә ашырырга хокуклы булуы да билгеләнә.
Моннан тыш, документ тарафыннан Россиядән 10 меңнән артык доллар күләмендә чит ил валютасын чыгаруны тыю кертелә.
Документ рәсми басылып чыккан көненнән үз көченә керә.