Безнең сәяхәтнең максаты - икътисади хезмәттәшлекне киңәйтү һәм яңа элемтәләр булдыру
Татарстан Республикасы Президенты Рөстәм Миңнеханов җитәкчелегендәге Татарстан Республикасы Хөкүмәте делегациясе эш визиты белән Иранга килде. Татарстан делегациясе составында шулай ук ТР ИҮА җитәкчесенең беренче урынбасары Инсаф Галиев та бар.
Татарстан вәкилләренең беренче визит нокталарының берсе - Казанның тугандаш шәһәре – Тәбриз шәһәре. Делегатлар Көнчыгыш Әзәрбәйҗан (Иран) провинциясе бизнес вәкилләре, шулай ук провинция губернаторы Зәйн Әл Әбедин Разави Хоррам белән ике яклы очрашу уздырдылар.
Татарстан Хөкүмәте әгъзалары Тәбриздә йөк автомобильләре җитештерү заводыннан тыш, Горган шәһәренә (Голестан провинциясе), бизнес-берләшмәләр белән очрашу өчен һәм Иран башкаласы Тегеран шәһәренә дә визит планлаштыра.
«Бүген «Төньяк-Көньяк» халыкара транспорт коридоры эшчәнлеген киңәйтү мәсьәләсе актуаль булды. Һәм без бу юлга Кама һәм Идел елгалары буенча Татарстан логистика үзәкләрен кертү өстендә эшлибез», – дип билгеләп үтелде Көнчыгыш Әзәрбәйҗан провинциясе җитәкчелеге белән очрашу барышында.
Татарстан Республикасы делегациясенең Иран Ислам Республикасына эш сәфәренең икенче көнендә Агентлык җитәкчесенең беренче урынбасары Инсаф Галиев делегация составында Голестанның Горган шәһәрендә эшләде.
Провинциядә «Голестан – Татарстан» түгәрәк өстәле утырышы узды, ул регионның эшлекле даирәләре вәкилләрен җыйды.
Шулай ук визит кысаларында Голестан провинциясенең губернаторы Али Мөхәммәд Зангане белән очрашу узды: агросәнәгать комплексы продукциясен китереп тору, халәл продукциясен китерү, фән һәм мәгариф өлкәсендә үзара бәйләнеш, Россия, Казахстан һәм Төркмәнстан потенциалын файдаланып, Һиндстан океанына коридор төзү өстендә эш алып бару каралды.
“Сезнең Иран аша транзит башка илләргә дә керә алсын өчен без Татарстан белән файдалы логистика кору өлкәсендә хезмәттәшлекне үстерергә әзер”, - диде Голестанның провинция губернаторы.
Делегация Тегерандагы Iran Khodro автомобиль төзү компаниясенең заводында булды, анда аларга җитештерү линияләрен күрсәттеләр һәм җитештерү детальләренә багышладылар.
Сөйләшү барышында билгеләп үтелгәнчә, Иран җитештерүчесе белән хезмәттәшлек зур әһәмияткә ия.
Компания 40тан артык илгә, шул исәптән БДБ илләренә дә җиңел автомобильләр экспортлый.