«Бәяләп бетергесез, шуңа күрә бушлай»: Татарстанда төзелеш өлкәсенә багышланган «100% Татарстан» уникаль тармак чарасы узды
2022 елның 6 октябреннән 7 октябренә кадәр 100tatarstan.com мәйданда ел саен уздырыла торган «100% Татарстан» онлайн-форумы булды. Быел аның темасы «Территорияләрне төзү һәм үстерү» булды. Әлеге чара халык өчен төп темаларның берсе – төбәкне төзекләндерү һәм гомумән төзелеш тармагына багышланган иде.
Чарада 190нан артык Россия һәм халыкара экспертлар катнашты. Туры трансляцияләрне дөньяның 27 иленнән һәм Россиянең 21 төбәгеннән 4000ләп кеше карады. Тамашачылар ике көннең дә актуаль темалары турында фикер алышуда актив катнаштылар, сораулар бирделәр, «100% Татарстан» онлайн-мәйданчыгы чатында үз фикерләре һәм тәкъдимнәре белән уртаклаштылар. Форумның һәр өченче тамашачысы чатта актив иде.
Ике көн эчендә 110 видеоконтент булдырылды, ягъни 18 панель дискуссия, 15 туры эфир, 38 репортаж, 37 интервью, 2 пленар дискуссия. Виртуаль мәйданчык 3 сәхнәгә бүленгән иде. Эфирда төзелеш, төзекләндерү һәм ТКХ өлкәсендәге иң актуаль темалар каралды:
- «Торак-коммуналь өлкәдә энергия нәтиҗәлелеген һәм энергияне сак тотуны арттыру»;
- «Өлешләп төзү проблемалы объектлары. Объектларны тәмамлау тәҗрибәсе һәм перспективалары»;
- «ТКХ: күп фатирлы йортны эксплуатацияләү, торак фонд белән идарә итүчеләрнең роле. Мин нәрсә өчен түлим?»;
- «Торак-коммуналь хезмәтләр өчен түләү: сыйфат, тарифлар, бәхәсле мизгелләр»;
- «Хәзерге төзелеш материаллары базары тенденцияләре. Сыйфат һәм сорау»;
- «Шәһәр төзелешендә циффрлы технологияләр».
Чарада төзүчеләр һәм девелоперлар, эчке дизайнерлар, төзелеш материаллары җитештерүчеләр, төзелеш базары профессионаллары, депутатлар, «СИБУР» ҖЧҖ, «Росатом» дәүләт корпорациясе, «Газпром инвест» ҖЧҖ, «Татнефть» ГАҖ, «Татэнерго» АҖ, «Ромекс-Кубань» ҖЧҖ кебек эре федераль һәм региональ компанияләрнең җитәкчелек составы катнашты.
Башка спикерлар арасында: Фәйзуллин Ирек Әнвәр улы – Россия Федерациясе Төзелеш һәм торак-коммуналь хуҗалык министры, Рөстәм Нургали улы Миңнеханов - Татарстан Республикасы Президенты, Песошин Алексей Валерьевич - Татарстан Республикасы Премьер-министры, Айзатуллин Марат Мансур улы – Татарстан Республикасы төзелеш, архитектура һәм торак-коммуналь хуҗалык министры, Миңнуллина Талия Илгиз кызы – Татарстан Республикасы Инвестицион үсеш агентлыгы җитәкчесе, Зарипова Эльмира Әмир кызы – Татарстан Республикасы Хезмәт, халыкны эш белән тәэмин итү һәм социаль яклау министры, Төхвәтуллина Илсөяр Мисхәт кызы – Казан шәһәренең баш архитекторы, Низамов Рәшит Корбангали улы – Казан дәүләт архитектура-төзелеш университеты ректоры һәм башкалар.
Дөнья бер урында тормый һәм халыкның үзара бәйләнеше формалары заман белән бергә барырга тиеш.
«100% Татарстан - регион халкының, бизнесның һәм хакимиятнең уникаль туры элемтә проекты. Республика инициативалары турында мондый ачык диалог кире элемтәне ишетергә һәм үсешнең агымдагы планнарын төзәтергә мөмкинлек бирәчәк», - ТР Инвестицион үсеш агентлыгы җитәкчесе Талия Миңнуллина.
Онлайн очрашуларда катнашучылар республиканың төзелеш өлкәсендәге иң яхшы белгечләре белән турыдан-туры аралаштылар, дискуссияләрдә катнаштылар һәм виртуаль экскурсияләрдә булдылар. «100% Татарстан» - хөкүмәт һәм экспертлар халык белән турыдан-туры аралаша торган бердәнбер тармак платформасы. Чатта иң күп каралган темалар: «Татарстан өчен яңа объектлар», «Нәрсә яхшырак: фатир яки йорт?», «Йорт төзелешен ничек яхшырак планлаштырырга», «Төзелешнең яңа технологияләре», «Фатир сатып алганда лайфхаклар».
Татарстанлылар республикада зарядлау җайланмалары белән җылы тукталышлар, балалар өчен ясли, эт йөрү өчен урыннар, җәмәгать бәдрәфләре төзергә һәм һәр ишегалдында чүп-чарны сортировкалау пунктларын урнаштырырга тәкъдим иттеләр.
Актив катнашучылар арасында кыйммәтле бүләкләр уйнатылды: суыткыч, кер юу машинасы, телевизор, төзелеш кораллары җыелмасы, партнер кибетләрендә бүләк сертификатлары. Барлыгы 60 приз уйнатылды.
Чарага кушылырга яки аның архивы белән танышырга теләгән һәркем җир шарының теләсә кайсы ноктасыннан ала ала. Моның өчен инглиз һәм татар телләренә синхрон тәрҗемәләр оештырылган.
«100% Татарстан» онлайн-форумы төгәлләнүе барлык төр эчтәлеккә нокта куймый, сез бу 2 көн эчендә язылган видеоматериалларны, шулай ук 2020 һәм 2021 еллардагы материалларны https://100tatarstan.com/ сайттагы архивта бөтенләй бушлай карый аласыз.