Казан кабат дәүләт-хосусый партнерлык өлкәсендә нәтиҗәле тәҗрибәләр буенча фикер алышу үзәге булачак
Гадәттәгечә, бизнес ике төркемгә бүленә: дәүләт белән эшләүчеләр һәм аның белән аралашмаучылар. 2005 елда ук закон нигезендә беркетелгән концессион килешүләр механизмы бизнес һәм дәүләтнең нәтиҗәле тандем булуын күрсәтергә тиеш.
2022 елның 23 ноябрендә Татарстан башкаласында дәүләт-хосусый партнерлык буенча V тармак форумы узачак. Чараны Татарстан Республикасының инвестицион үсеш агентлыгы оештыра, ул Татарстан Республикасында ДХП проектларын гамәлгә ашыру буенча вәкаләтле орган булып тора.
«Бүген дәүләт-хосусый партнерлык - ул бизнес һәм хакимиятнең турыдан-туры хезмәттәшлегенең кирәкле коралы, анда дәүләт хакимияте органнары күзәтчелек ягы гына түгел, ә проектларны гамәлгә ашыруда үзләре дә катнаша. Без бу проектларның алга таба тормыш алуы, эшкуарлар һәм республика халкы өчен икътисади һәм социаль файда китерүе белән кызыксынабыз. Без икътисадның турбулент чорында һәм ДХП проектларын тәкъдим итә торган мөмкинлекләр – бу, беренче чиратта, ачык базарда һәм эшмәкәрләр эшендә тотрыклылык», – Талия Миңнуллина, Татарстан Республикасының инвестицион үсеш агентлыгы җитәкчесе.
Татарстан дәүләт-хосусый партнерлыкны үстерү дәрәҗәсе буенча федераль рейтингта актив алга бара, 2021 ел нәтиҗәләре буенча 67 нче урыннан 6 нчы урынга күтәрелеп, әлеге механизм проектларын тормышка ашыруга кертү буенча Россиянең иң яхшы 10 төбәгенә ышаныч белән керә.
Быелгы чара шулай ук ДХП механизмын төрле тармакларда куллану очракларын яктыртачак, алар арасында социаль өлкә (мәгариф, сәламәтлек саклау, спорт), торак-коммуналь хуҗалык һәм юл инфраструктурасы. Россиянең 20 дән артык төбәгеннән экспертлар үз кейслары белән уртаклашачак, алар арасында Алексей Песошин, Татарстан Республикасы Премьер-министры; Алексей Ересько, РФ төзелеш һәм ТКХ министры урынбасары; Россия спорт министрлыгының инвестицион үсеш һәм дәүләт милке белән идарә итү департаменты директоры Александр Росляков; Россия Федерациясе Икътисадый үсеш министрлыгының финанс-банк эшчәнлеге һәм инвестицион үсеш департаменты директоры Александр Киревнин; Приморье краеның Икътисадый үсеш министры Андрей Блохин; Белгород өлкәсенең Төзелеш министры Оксана Козлитина; Рөстәм Моратов, Башкортостан Республикасы Премьер-министрының беренче урынбасары, Башкортостан Республикасының икътисадый үсеш һәм инвестицион сәясәт министры; Владимир Леонов, Татарстан Республикасы спорт министры; Фәрит Хәнифов, Татарстан Республикасы Транспорт һәм юл хуҗалыгы министры; Талия Миңнуллина, Татарстан Республикасының инвестицион үсеш агентлыгы җитәкчесе; Евгения Уваркина, Липецк шәһәре мэры; Татьяна Мухтасарова, ВЭБ.РФ үсеш дәүләт корпорациясе вице-президенты; Максим Ткаченко, «ДХП Милли үзәге» коммерцияле булмаган автоном оешмасы башкарма директоры; Анна Багинская, «Саклык банкы» ГАҖ ДХП Үзәге җитәкчесе; Евгений Вайнер, “Прорыв” физик культура һәм спорт өлкәсендә Россия инвесторлары ассоциациясе президенты; «Прошкола» ҖЧҖ генераль директоры Алисә Денисова; «Росинфра» платформасы эксперты Андрей Андерсен; «Саклык банкы» ГАҖнең Идел-Нократ банкы Рәисе урынбасары Рушан Сәхбиев; Юрий Бычков, “Шәһәр Термалары” франшизасына нигез салучы һ. б.
Ун эшлекле сессия: ДХП өлкәсендә Татарстан Республикасының эш нәтиҗәләре, төбәкләрнең уңышлы практикалары, икътисадның хәзерге шартларында механизм үсешенең өстенлекле юнәлешләре турында, шулай ук спортта, юл инфраструктурасында, сәламәтлек саклау, мәгариф һәм ТКХта ДХП проектлары турында эксперт дискуссияләре - V тармак форумы мәйданчыгында 300дән артык чакырылган экспертны һәм катнашучыларны җәлеп итәчәк.
Форум сайтында теркәлегез - https://ppptatarstan.ru, федераль дәрәҗәдәге эксперт җәмгыятенең бер өлеше булыгыз.
Уздыру урыны: IT-парк, Казан шәһ., Спартак ур., 2
Элемтә өчен мәгълүмат:
тел.: 8 (843) 570-39-71
e-mail: info@ppptatarstan.ru