Казан ивент-индустрия экспертларының очрашу урыны булды
7-11 февральдә Казанда Чараларны оештыручылар милли ассоциациясенең (ЧОМА) еллык җыелышы уза. Татарстан Республикасында вакыйгалар индустриясенең 60 тан артык профессионалы төрле форматтагы һәм масштаблы чараларны үткәрүдә республика тәҗрибәсе белән танышу, өйрәнү өчен җыелды.
Бүген катнашучылар Татарстан Республикасының инвестицион үсеш агентлыгында очраштылар. Форумда катнашучыларны "Татарстанның вакыйгалар потенциалын үстерү" темасына стратегик сессия көтә.
Регионның кунаклар алдында Татарстан Республикасында вакыйгалар тармагы үсеше үзенчәлекләре турында презентациясе белән Агентлык җитәкчесе Талия Миңнуллина чыгыш ясады. “Безнең Агентлык республикага шәхси инвестицияләр җәлеп итү өчен җаваплы. Монда сүз урта һәм эре бизнес проектлары турында бара. Һәм республикабызны бөтен дөньяда белсен өчен территорияне инвестицион таныту өчен җавап биргәнгә күрә, без шулай ук Татарстан Республикасында конгресс-күргәзмә эшчәнлеге өчен дә җавап бирәбез”.
ТР ИҮА башлыгы экспертларга ел саен үткәрелә торган һәм тематик чаралар турында сөйләде. Очрашуның танышу өлешендә тыңлаучылар шулай ук Татарстан Республикасы Сәнәгать һәм сәүдә министрлыгы, Авыл хуҗалыгы министрлыгы һәм Мәдәният министрлыгы эшчәнлеге, шулай ук Идел буе федераль округында иң эре күргәзмә мәйданчыгы — «Казан Экспо» ХКҮ эше тәҗрибәсе белән танышачаклар.