Татарстан нефть-газ-химия форумы
"Татарстан нефть-газ-химия форумы" - Россиянең нефть-газ тармагындагы иң эре халыкара чараларның берсе, ул 31 августтан 2 сентябрьгә кадәр узачак.
Форум төбәк һәм халыкара дәрәҗәдәге тармак предприятиеләре арасында эшлекле хезмәттәшлек чикләрен киңәйтү, Татарстан Республикасы предприятиеләренә заманча технологияләрне һәм җиһазларны алга этәрү, шулай ук идеяләр алмашу, тармакның төп темалары буенча актуаль мәгълүмат алу, сәнәгать һәм бизнес-берләшмәнең эшлекле очрашулары өчен нәтиҗәле мәйданчык булып тора.
Форум мәйданчыгында шулай ук "TatOilExpo" күргәзмәсе узачак
"TatOilExpo" - Идел буе федераль округының алдынгы тармак күргәзмәләренең берсе, Россия нефть-газ химиясе комплексы предприятиеләренең икътисады, технологик инфраструктурасы һәм техник яктан яңадан кораллануы үсеше өчен аерым әһәмияткә ия. Күргәзмә Бөтендөнья күргәзмә индустриясе ассоциациясе һәм Россия күргәзмәләр һәм ярминкәләр берлеге билгеләре белән билгеләнгән.
Күргәзмә экспозициясендә катнашучылар - Татарстан һәм Россиянең нефть химиясе, химия һәм нефть-газ комплексы өчен җиһазлар җитештерүчеләр. Күргәзмәдә заманча инновацион технологияләр һәм җиһазлар, шулай ук нефть чыгару, нефть эшкәртү һәм нефть химиясе өлкәсендә Россия Федерациясе нефть-газ-химия комплексы предприятиеләренең яңа эшләнмәләре күрсәтелә.