Татарстан Республикасының инвестицион дайджесты: Менделеевск районы белән «инвестицион сәгать»
Татарстан Республикасының Менделеевск муниципаль районы Татарстан Республикасы Рәисе рәислегендә узган республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Район башлыгы докладында район эшчәнлегенең төп күрсәткечләре, тармакларны үстерү, эшмәкәрлек торышы, хезмәт хакы һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдә казанышлар карала.
Менделеевск районы башлыгы Радмир Беляев район эшчәнлегенең төп күрсәткече булып тулаем территориаль продукт күләме тора дип сөйләде. 2022 елда аның күләме 43,8 млрд сум дәрәҗәсендә бәяләнә.
Төп капиталга инвестицияләр 2022 елда 3,3 млрд сум тәшкил иткән.
Менделеевск - моношәһәр, һәм район сәнәгатенең нигезе булып безнең шәһәрне формалаштыручы предприятиеләр тора: икътисад флагманы - “Аммоний” акционерлык җәмгыятенең предприятиеләре төркеме.
Агымдагы елда "Аммоний" проектларына инвестицияләр күләме фаразланган күрсәткечләрдән артып, 1,5 млрд сум тәшкил итә:
- Елына 150 мең тонна куәте белән сыек минераль ашламалар (КАС) җитештерү. Инвестицияләр - 393 млн сум.
- Концентрацияләнмәгән азот кислотасы №2 агрегатын реконструкцияләү, куәтне 17 тн/сәгатькә кадәр арттыру. Инвестицияләр - 246 млн сум.
- Елына 32 мең тонна җитештерүчәнлек белән мочевина (AdBlue) нигезендә дизель двигательләренең төтен газларын чистарту өчен сыек компонент җитештерү җайланмасын төзү. Инвестицияләр - 102 млн сум.
- Елына 32 000 тонна җитештерүчәнлек белән аммиак җитештергән СО2дән сыек углекислый кислота җитештерү җайланмасын төзү. Инвестицияләр 691 - млн сум.
120 млрд сумлык «Аммоний-2» проекты өстендә эш алып барыла, ул ашламалар җитештерүне 2 тапкырдан артык арттырырга мөмкинлек бирәчәк.
Проект «Алабуга-Менделеевск» яңа икътисади зонасының якорьле резиденты булачак, аның өчен 900 гектар җир кишәрлеге билгеләнгән.
Икътисадка зур өлеш кертә “Лев Яковлевич Карпов исемендәге Химзавод”. Завод территориясендә сәнәгать паркы өчен мәйданчык бүлеп бирелгән, анда 4 резидент эшли. 270 млн сум акча кертелгән, 70тән артык эш урыны булдырылган. Паркның якорь резиденты, «Кама Сакс» компаниясе, СИБУР, Газпром кебек эре җитештерүчеләр өчен полипропилен капчыклар чыгару белән шөгыльләнә.
Районда эшмәкәрлек үсешенең төп ноктасы булып АҮТ тора. АҮТ резидентлары булып 2,6 млрд сум инвестицияләр күләме һәм 372 эш урыны булдырылган 17 компания тора. Соңгы елда 8 яңа резидент җәлеп ителгән. 950 млн сум акча салынган, 177 яңа эш урыны булдырылган. Өстәмә рәвештә тагын 4 инвестиция проекты карала.
АҮТ кысаларында иң эре инвестиция проекты булып 500 млн сумлык «Яңа ашламалар» ҖЧҖ җитештерүен булдыру тора.
Бетон һәм аннан эшләнмәләр чыгару буенча предприятие төзелеше тәмамлана. Инвестицияләр бәясе - 100 млн сумнан артык.
«ХимСнаб» ҖЧҖ тәүлегенә 15 тонна җитештерүчәнлек белән сәнәгать крахмалы җитештерүне оештыра.
Инвесторларны җәлеп итү мәсьәләсендә мөһим компонент булып бизнес өчен инфраструктураның булуы тора. Бу максат белән 22,4 гектар мәйданлы М-7 федераль трассасына тоташкан Менделеевск 2.0 муниципаль сәнәгать паркы булдырыла. 5 компания сайлап алынган, инвестицияләр күләме 3 млрд сумнан артык тәшкил итәчәк һәм 500 яңа эш урыны булдырылачак.
Инженерлык челтәрләрен төзүгә проект-смета документациясе эшләнгән, дәүләт экспертизасының уңай нәтиҗәсе алынган. Инженерлык инфраструктурасын төзүнең гомуми бәясе 902 млн сум тәшкил итәчәк.
Шулай ук шәхси сәнәгать мәйданчыклары да үсеш ала. 2,2 гектар мәйданда «Бондюжский» шәхси паркы аккредитацияләнгән. Парк резидентлары металлдан автокомпонентлар ясау буенча 2 производствоны һәм нефть һәм газ сәнәгате өчен җиһазларны капиталь ремонтлау цехын эшләтеп җибәрделәр.
Инвестицияләр җитештерү өлкәсендә генә түгел, туризм өлкәсендә дә җәлеп ителә. Шәһәр үзәгендә кунакханә комплексы төзелеше тәмамлана. Шәхси кертемнәрнең бәясе 150 млн сум тәшкил итә.
Кама ярындагы «Ак лалә» спа-үзәге белән биш йолдызлы глэмпинг-парк проекты гамәлгә ашырыла. 1 этапта инвестицияләр бәясе - 300 млн сум.