Татарстан Республикасының инвестицион дайджесты: Кукмара районы белән «инвестицион сәгать»
Татарстан Республикасы Кукмара муниципаль районы Татарстан Республикасы Рәисе рәислегендә узган республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Район башлыгы докладында район эшчәнлегенең төп күрсәткечләре, тармакларны үстерү, эшмәкәрлек торышы, хезмәт хакы һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдә казанышлар карала.
Кукмара районы башлыгы Сергей Димитриев район эшчәнлегенең төп күрсәткече булып тулаем территориаль продукт (ТТП) күләме тора дип сөйләде. 2022 елда аның күләме 19,9 млрд сум яки 2021 ел дәрәҗәсенә карата 110,5% дәрәҗәсендә бәяләнә. Агымдагы елда, алдан исәпләүләр буенча, ТТП 22 млрд сумга кадәр артачак.
Икътисадтагы алга таба үзгәртеп коруларның нигезе булып инвестицияләр тора. Инвестицияләрнең иң зур өлеше авыл хуҗалыгы һәм эшкәртү производстволарын үстерүгә юнәлтелгән. Агымдагы елда көтелгән инвестицияләр күләме 6 млрд сум тирәсе тәшкил итәчәк.
Кукмара металл савыт-саба заводы өч сәнәгать корпусының берсен төзеп бетерә. Инвестицияләр күләме 348 млн сум тәшкил итәчәк.
Зур инвестиция проекты - тәүлегенә 500 тонна сөт эшкәртү буенча сөт комбинаты төзү «Кукмара сөт комбинаты» тарафыннан гамәлгә ашырыла. Инвесторлар - нигездә, Кукмара районы сөт җитештерүчеләре. Инвестицияләр күләме 3 млрд сум тирәсе тәшкил итәчәк.
«Халикова-Бурундукова» ИП 2400 башка исәпләнгән ферма төзи, шулардан 600 башка агымдагы елда файдалануга тапшыру планлаштырыла. Инвестицияләрнең гомуми күләме 600 млн сум тәшкил итәчәк.
«Милка» ҖЧҖ 1200 башка исәпләнгән сөт комплексы төзелешен башлый.
«Восток» ҖЧҖ 840 башка исәпләнгән сөт фермалары төзи, шулардан быел 440 башка.
«Асанбаш-Агро» ҖЧҖ 900 башка исәпләнгән ферма төзелешен тәмамлый.
“Гаврилов ис.”АФ 600 башлы 3 нче сыер абзары төзү проектын әзерләгән.
«Агрохимсервис» АҖ саву-сөт блогы төзелеше белән 3 сыер абзарын модернизацияләүне әзерли.
Шулай ук район икътисадының үсеш ноктасы булып Кукмор сәнәгать паркы тора, аның мәйданы 36 гектар тәшкил итә, шуларның 95% резидентлар тарафыннан биләнгән (2022 елда тутыру 26% тәшкил иткән). Алар җитештерүне үстерүгә 895 млн сум инвестицияләгән.
«Расплав» ҖЧҖ тутыгымый торган тимердән савыт-саба җитештерү буенча икенче линияне эшли башлый. Инвестицияләр күләме 783 млн сум тәшкил итәчәк.
ИП Гарипов пластиктан эшләнмәләр җитештерү белән шөгыльләнә. 2640 кв. метр бина төзелгән. 47,5 млн сум инвестиция кертелгән.
Агымдагы елда терлекчелек биналары өчен резина келәмнәр җитештерү буенча «ТБ Ресурс» ның беренче корпусы төзелә башлады. Кытайдан җиһазлар китерү турында килешүләр төзелгән. Ел ахырына беренче продукцияне алырга планлаштыралар. Инвестицияләр күләме - 123 млн сум.
«КукморСтройБетон» ҖЧҖ тимер-бетон әйберләр җитештерү заводы төзелешен башлый. Инвестицияләр күләме - 550 млн сум.
«КукморЗерноТорг» ҖЧҖ ашлык һәм аны эшкәртү продуктларын кабул итү, чистарту, киптерү, эшкәртү һәм саклау, ярма һәм катнаш азык җитештерү буенча завод төзү буенча инвестиция проектын гамәлгә ашыра. Инвестицияләр күләме - 2,5 млрд сум. Проектлау соңгы стадиядә. Җиһазлар ясау һәм китерү турында килешү төзү стадиясендә. Төзелеш эшләре август аенда башланырга тиеш.
«Кукмара» сәнәгать паркы территориясендә буш җир кишәрлекләре булмау сәбәпле, Олы Кукмара авыл җирлеге территориясендә гомуми мәйданы 98,5 га булган икенче сәнәгать паркы булдыру планлаштырыла.