ПХИФ нәтиҗәләре
ТР ИҮА җитәкчесе Талия Миңнуллина 14-17 июньдә Петербург халыкара икътисадый форумында Татарстанның катнашуы нәтиҗәләре буенча Хөкүмәт Йортында узган брифингта чыгыш ясады.
Татарстан делегациясе Россия һәм чит илләрнең хакимият һәм бизнес вәкилләре белән очрашулар үткәрде, алар арасында Кытай, Үзбәкстан, Берләшкән Гарәп Әмирлекләре, Мисыр һәм башкалар. Республика исеменнән барлыгы 25 килешү имзаланды, шуларның 11е – Татарстан Рәисе катнашында. Республикадан ПХИФка делегация составында 100 дән артык кеше катнашты, алар арасында сәнәгать предприятиеләре, махсус икътисади зоналар, сәнәгать парклары һәм технопарклар җитәкчеләре бар иде.
Талия Миңнуллина форумга җитди әзерлек турында сөйләде:
"Инновацияләр белән бәйле «Татарстан – киләчәк инде бүген» концепциясен сайладык һәм Иннополис Университетының робототехникасын, очу аппаратларын, пилотсыз автомобиль комплексларын тәкъдим иттек. Шулай ук ПХИФта без «Электрон коммерция шәһәре» һәм «Киләчәк уеннары»н күрсәттек.
ПХИФның эшлекле көн тәртибендә бизнес өчен актуаль темалар яңгырады: 30га якын сессия технологик суверенитетка, 14 хезмәт базарына багышланды. Быел беренче тапкыр көнчыгыш юнәлеше тематикасын киңәйттеләр: хәләл индустриясе, ислам банкингы, ИХО илләре, Якын Көнчыгыш буенча сессияләр. Россия-Кытай сессиясен аерым билгеләп үтәргә кирәк, анда катнашучыларны сентябрьдә «РОСТКИ» форумына чакырдылар.
Регионнар арасында инвестклимат рейтингында лидерлык позициясеннән тыш, Татарстан дәүләт-хосусый партнерлыкта билгеләнде: бер бүләкне Республика Шәле – Баулы автоюлы буенча концессия өчен алды, икенчесен - сәламәтлек саклау өлкәсендә ДХПның иң яхшы тәҗрибәсе өчен.
Шулай ук ПХИФ кысаларында Татарстан Республикасының инвестицион үсеш агентлыгы бөтен ил агентлыкларының гомуми җыелышында катнашты, Татарстан агентлыгы җитәкчесе Талия Миңнуллина Ассоциация эшендә актив катнашканы һәм НААИР.Глобал мәйданчыгын үстерүгә керткән зур өлеше өчен Мактау грамотасы алды, аның өстендә эш 2016 елдан алып барыла.