«Татнефтехиминвест-холдинг» АҖ Директорлар советы утырышы
Бүген Татарстан Республикасы Рәисе Рөстәм Миңнеханов җитәкчелегендә «Татнефтехиминвест-холдинг» АҖ Директорлар советы утырышы узды.
Агентлык башлыгы Талия Миңнуллина да нефть-газ химиясендә инновацион проектларны карауда катнашты.
Утырышны ачып, республика Рәисе 7-8 сентябрьдә «Казан Экспо» да «Россия-Кытай» форумы узачагын хәбәр итте һәм анда актив катнашырга чакырды.
Утырыш барышында продукциянең сыйфатын яхшыртуга ярдәм итүче яңа эшләнмәләр тәкъдим ителде:
“Евро-5” классындагы югары октанлы автобензиннар җитештерүнең яңа технологиясе. Аның сыйфаты классик технологиягә караганда яхшырак. Мондый бензин түбәндәге экологик сыйныфларга күчү өчен нигез була ала. Бу азрак чыгымнар һәм инвестицияләр таләп итә.
Сыеклык дәрәҗәсен үлчәү өчен иң яңа сенсорлар. Аларны Татарстанда җитештерү планлаштырыла.
Тукыма сәнәгате өчен полимер дисперсияләр һәм экологик ябыштыру системалары тәкъдим ителде.
Предприятиеләр өчен яңа алдынгы ИТ-эшләнмәләр тәкъдим ителде. Алар арасында - «КиберГРП» программасы.
Үз чиратында, компанияләрнең берсе Татарстан ТЭК хезмәткәрләрен укытырга теләк белдерде. Җитештерү процесслары симуляторлары Россия цифрлы платформасы нигезендә төзелә. Моннан тыш, фирма инженерлык талантларын эзләүдә һәм үстерүдә ярдәм итәргә әзер.