“СМАРТ Сити Казан”, Иннополис һәм МИЗ “Алабуга” Җәйге Давос мәйданында тәкъдим ителде

Татарстан Республикасының Инвестицион үсеш агентлыгы җитәкчесенең алдагы Кытай компанияләре һәм халыкара инвесторлары белән очрашулар узды, МИЗ “Алабуга”, Иннополис һәм Татарстанның яңа инвестицион мәйданы – “СМАРТ Сити Казан” презентацияләнде.

Еллык Халыкара икътисади форумы (ХИФ), икенче төрле “Җәйге Давос”, Далянь шәһәрендә ачылды. Җәйге Давос Кытайда 2007 елдан башлап үтә һәм бу елда ул дүртенче тапкыр үтә.

Форумда 1,5 мең сәясәт һәм фән белгечләре, бизнесменнар, 90 илдән медиа-төзелешләренең җитәкчеләре катнашалар. Форумның темасы Азия илләрендә яңа юнәлешләр сайланды. Россиядән форумга 13 кеше килде, Татарстан Республикасыннан Җәйге Давоста Татарстан Республикасының Инвестицион үсеш агентлыгы җитәкчесе Линар Якупов булды.

Форумның беренче көнендә Кытайның премьер-министры Ли Кэцян  чыгыш ясады. Шул көндә Җәйге Давос мәйданына Россия Федерациясе Хөкүмәт рәисе урынбасары Аркадий Дворкович һәм Россия эшмәкәре, «Базовый элемент» компаниясе Күзәтүче киңәшмәсе рәисе Олег Дерипаска килделәр.

Ли Кэцян чыгышында Кытай икътисадының үзгәрүе, реформалар һәм яңалыкларның ил үсешенә юнәлүен ассызыклады. Ул, шулай ук, Кытай икътисадының үзгәрү процессында илнең дөнья икътисады үсешенә зур йогынты ясау ниятен билгеләде.

Өч көн дәвамында (11-13 сентябрь), Даляньда үтә торган форумда катнашучылар экология һәм үсешнең проблемаларын, энергия куркынычсызлыгы, сәүдә һәм инвестицияләр сорауларын карачаклар.

ТР Инвестицион үсеш агентлыгының матбугат хезмәте