Бизнес-миссия
Бүген Татарстан Республикасының инвестицион үсеш агентлыгына эшлекле визит белән Shanghai LAUNCH Automotive Technology компаниясе делегациясе килде.
Ул автомобильләр проектлау буенча хезмәтләр тәкъдим итә, транспорт чараларын интеграцияләүне, инженерлык эшләнмәләрен, конструкцияне тикшерүне тәэмин итә. Компания цифрлы технологияләр өлкәсендә хезмәтләр күрсәтә: форма һәм бизәү стилизациясе, кузов, шасси, двигатель һәм күчмә кушымталар эшләү һ.б. Ул базарга 400дән артык җитештерү моделе чыгарды, шул исәптән традицион пассажир һәм йөк автомобильләре, шулай ук яңа перспективалы энергия чыганакларындагы автомобильләр.
Башта ТР ИҮА җитәкчесе Талия Миңнуллина Агентлыкның бердәм презентация үзәгендә Татарстанның инвестицион потенциалы белән таныштырды. Соңыннан делегация аның белән компаниянең эш үзенчәлекләре, шулай ук алга таба хезмәттәшлек перспективалары турында фикер алышты.