Зәй муниципаль районы белән "инвестицион сәгать"
Татарстан Республикасының Зәй муниципаль районы Татарстан Республикасы Рәисе Рөстәм Миңнеханов җитәкчелегендәге республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Шәһәр мэры докладында район эшчәнлегенең төп күрсәткечләре, тармакларның үсеше, эшмәкәрлекнең торышы, хезмәт хаклары һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдәге казанышлар карала.
Рәзиф Кәримов, район башлыгы: "Татарстан Республикасының инвестицион үсеш агентлыгы тарафыннан муниципалитет өчен шәһәр автовокзалы функцияләрен саклап калып, юл буе сервисы объекты буенча "КамаТрак" компаниясе белән муниципаль-хосусый партнерлык проекты килештерелде. Проектның бәясе - 25 млн сум".
"Прогресс" сәнәгать паркы аккредитация үтте. Бүген анда 3 резидент урнашкан, җирләрне күчерү, рөхсәт ителгән эшчәнлек төрен үзгәртү эшләре тәмамланган. Агымдагы елның беренче яртысында резидентлар алган табыш 340 млн сумга җиткән. 65 млн сумлык инвестиция проектлары булган тагын ике резидентны җәлеп итү каралган.
“Татнефть” компаниясе Зәй муниципаль районы территориясендә сәнәгать-җитештерү тибындагы махсус икътисадый зона булдыру проектын гамәлгә ашыра башлады. Гомуми мәйданы 16,5 гектар булган ике мәйданчыкта алты производство оештыру каралган.
Инфраструктурага чыгымнар - 2,7 млрд сум. 6 резидентның инвестицияләр күләме - 14 млрд сум (НДСтан башка). Булдырыла торган эш урыннары саны - 400дән артык (444 кеше). 2028 елга проект куәтенә чыгу каралган.
Зәй районында инвестицияләр нинди тармакларга көтелә?
- Күпфатирлы торак
- Төзелеш материаллары җитештерү заводлары
- Кунакханә бизнесы
- Кафе, рестораннар
- Авыл хуҗалыгы: терлекчелек
- Балык үстерү (ел әйләнәсе туңмый торган акваториясе бар)
- Кемпинглар
ТР ИҮАның Зәй муниципаль районы башлыгы белән "муниципаль сәгать" яңа проектын трансляцияләү язмасында сез җентекләбрәк белә аласыз: https://tida.tatarstan.ru/zainskiy-munitsipalniy-rayon-7821769.htm