Мөслим муниципаль районы белән "инвестицион сәгать"
Татарстан Республикасы Мөслим муниципаль районы Татарстан Республикасы Рәисе Рөстәм Миңнеханов җитәкчелегендәге республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Шәһәр мэры докладында район эшчәнлегенең төп күрсәткечләре, тармакларның үсеше, эшмәкәрлекнең торышы, хезмәт хаклары һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдәге казанышлар карала.
Мөслим муниципаль районы башлыгы Альберт Хуҗин хәбәр иткәнчә, районның төп сәнәгать предприятиесе - авыл хуҗалыгы техникасы һәм тракторлар җитештерүче «Агромастер» җитештерү компаниясе.
Агымдагы елда предприятие 2 миллиард сумнан артык продукция саткан, ай саен 100дән артык агрегат җитештерелә. Компаниядә барлыгы 235 кеше эшли, 2023 елда уртача хезмәт хакы 90 мең сум тәшкил иткән, 2024 елның 9 ае нәтиҗәләре буенча 107 мең сумга кадәр арткан. Санкцияләр шартларында предприятие даими рәвештә заманча станоклар, җиһазлар, технологик линияләр сатып ала, бу җитештерүне 85 процентка кадәр локальләштерүгә китергән. Соңгы елларда 100 берәмлектән артык заманча җиһаз сатып алынган, инвестицияләр күләме 500 миллион сумнан артып киткән. Бу хезмәткәрләрнең хезмәт җитештерүчәнлеген, аларның хезмәт хакын сизелерлек арттырырга, импортны алыштыру программасы буенча комплектлаучы детальләр җитештерүне оештырырга мөмкинлек бирә. Шул ук вакытта үз продукциясенең сыйфаты импортныкыннан калышмый, ә үзкыйммәте 60 процентка кадәр кими. Бу Россия базарындагы көндәшләр арасында «бәя-сыйфат» параметрларында лидер булырга мөмкинлек бирә, һәм нәтиҗәдә Россиядәге барлык культиваторларның 50 проценттан артыгы Мөслимдә җитештерелә, чәчү комплекслары буенча район шулай ук алдынгы позициядә тора.
Яңа эш урыннары булдыру һәм күрсәтелә торган хезмәтләр портфелен арттыру өчен район төзекләндерелгән җәмәгать киңлекләрен, шул исәптән Ык елгасы яр буйларын тутыру һәм инвесторлар җәлеп итү исәбенә эшләми торган производстволарны һәм биналарны яңадан эшләтеп җибәрү белән шөгыльләнә.
"Агымдагы елда инвестицион үсеш агентлыгы белән берлектә Ык елгасы яр буенда җылытыла торган бассейнлы заманча глэмпинглар төзү проектын эшләдек. Инвестор - Әлмәт шәһәреннән компания, төзелеш 2025 елның язында башлана. Инвестицияләр күләме - 100 млн сум. Тиздән мөслимлеләргә һәм район кунакларына, төзекләндерелгән яр буеннан йөреп чыкканнан соң, заманча кунак йортларында ял итәргә, җылытыла торган басейнда саф һавада коенырга һәм бик яхшы вакыт үткәрергә мөмкинлек туачак" - район башлыгы.
Агымдагы елның тагын бер проекты - бетон заводы. Мөслим авылы янында күп еллар элек 2 гектар мәйданда асфальт заводы урнашкан. Икътисад министрлыгы ярдәмендә район җир категориясен туры китереп, аукцион аша инвесторга заманча бетон заводы төзү өчен арендага биргән. Бу продукциягә ихтыяҗ зур, чөнки Яр Чаллыдан яки Әлмәттән бетон ташу бәясе бетонның үз бәясенә караганда кыйммәтрәк төшкән. Хәзерге вакытта мәйданчыкка әзерлек бара. Җитештерү 2025 елның язында башлана. Инвестицияләр күләме - 100 млн сум.