Идел-Янцзы
Бүген Татарстан Республикасының инвестицион үсеш агентлыгында Россия Президентының Идел буе федераль округындагы Тулы вәкаләтле вәкиле урынбасары Олег Машковцев һәм ИҮА җитәкчесе Талия Миңнуллина рәислегендә «Идел — Янцзы» форматындагы регионара хезмәттәшлек советының V утырышын һәм «Идел — Янцзы» югары уку йортлары ассоциациясенең VIII форумын әзерләү һәм уздыру буенча утырыш узды.
Очрашу башланганчы Талия Миңнуллина республиканың югары дәрәҗәле кунаклары өчен Агентлыкның бердәм презентация үзәгендә Татарстанның инвестицион һәм икътисадый потенциалын тәкъдир итте. Бу презентация барышында яклар Кытай партнерлары өчен төбәк потенциалын тәкъдим итү нечкәлекләре турында фикер алыштылар.
Очрашу барышында «Идел — Янцзы» берләшмәсе катнашучылары съездын оештыру буенча Советның эш планы билгеләнде, ул 21-22 майда узачак. Идел буе федераль округының 14 губернаторы һәм Кытай Халык Республикасының 14 провинция губернаторы катнашыр дип планлаштырыла.
Утырышта Казандагы Россия Федерациясе Тышкы эшләр министрлыгы, Татарстан Республикасы Мәгариф һәм фән министрлыгы, Татарстан Республикасы сәнәгать һәм сәүдә министрлыгы, Татарстан Республикасы Мәдәният министрлыгы, Эчке эшләр министрлыгы, Гадәттән тыш хәлләр министрлыгы, Казан халыкара аэропорты, Татарстан Республикасы Тышкы элемтәләр департаменты, Татарстан Республикасы дәүләт беркетмәсе идарәсе, Казан шәһәр Думасы Аппаратының халыкара һәм муниципальара элемтәләр идарәсенең вәкилләре, Казан институтлары ректорлары һәм проректорлары, шулай ук «Түбән Новгород дәүләт техник университеты» ректоры, «Идел — Янцзы» югары уку йортлары ассоциациясе рәистәше катнаштылар.