Татарстанга инвестицияләр кертүче төп ил - Төркия вәкилләре Республикага эш визиты белән килүләрен дәвам итәләр
Бүген Хөкүмәт Йортында Татарстанның әйдәп баручы партнерларының һәм инвесторларының берсе булган ил - Төркиянең вәкилләре белән очрашулар сериясе узды. Аларда Kazanforum төбәк оештыру комитеты секретаре сыйфатында һәм Татарстан Республикасының инвестицион үсеш агентлыгы җитәкчесе Талия Миңнуллина катнашты.
Талия Миңнуллина: "Төркия - Татарстанның әйдәп баручы чит ил партнерларының берсе. Бездә «Кастамону Энтегре», «Хәят Кимья» төрек заводлары, «Шишеджам» компаниясенең 2 заводы, «Джошкуноз», «Колуман», «Премиум Кардан»ның 2 заводы уңышлы эшләп килә. Шулай ук Төркия инвесторлары кунакханә бизнесында һәм төзелештә проектларны гамәлгә ашыра".
Иртә таңнан Икътисади эшләр буенча үсеш һәм гаделлек партиясе (Төркия) рәисенең икътисади эшләр буенча урынбасары, «Россия – Ислам дөньясы» Стратегик караш төркеме әгъзасы Нихат Зәйбәкҗи әфәнде белән эшлекле очрашу булды. Анда Стратегик караш төркеме утырышында һәм агымдагы елның маенда «Россия – Ислам дөньясы: KazanForum» халыкара икътисадый форумында катнашу мәсьәләләре каралды.
Рөстәм Миңнеханов:"Татарстан Төркия бизнесының киләчәктә дә Татарстанда проектларын үстерергә, республикабызны Россия һәм Евразия базарларына чыгу мәйданчыгы буларак куллануын тели".
Төркия Бөек Милли Җыелышының Сәнәгать, сәүдә, энергетика, табигый ресурслар, мәгълүмат һәм технологияләр комиссиясе рәисе Мостафа Варанк белән төшке аштан соң Татарстанның югары дәрәҗәле вәкилләре очраштылар.
Талия Миңнуллина: "Республика Рәисе билгеләп үткәнчә, Төркия белән Татарстан арасында сәүдә һәм хезмәттәшлек үсеше перспективалары бар, һәм аның белән килешмичә мөмкин түгел. Автомобиль сәнәгате һәм автокомпонентлар, станоклар һәм металл эшкәртү, авыл хуҗалыгы һәм азык-төлек сәнәгате, авыл хуҗалыгы машиналары төзелеше, кече һәм урта эшмәкәрлек предприятиеләренең үзара хезмәттәшлеге, медицина туризмы һәм башка бик күп өлкәләрдә безнең барыбыз өчен дә эшлисе эшләр бар әле".
Рөстәм Миңнеханов: "Без Төркия Республикасы белән сәүдә-икътисадый һәм инвестицион хезмәттәшлекне үстерүгә зур игътибар бирәбез. Татарстан безнең илләр арасында нәтиҗәле бәйләүче өлеш булып тора. Моңа делегацияләр белән актив алмашу һәм Төркия җитәкчелеге белән җайга салынган элемтәләр ярдәм итә. Без Төркия бизнесының киләчәктә дә Татарстанда проектларны үстерүен, республикабызны Россия һәм Евразия базарларына чыгу өчен мәйданчык буларак куллануын телибез".
Шулай ук искәртәбез, узган атнада (15-18 апрель) Казанга ДЕИК Төркия-Россия эшлекле советы делегациясе килде.