Талия Миңнуллина ПХИФта Татарстанда Кытай инвесторлары өчен мөмкинлекләрне тәкъдир иттеләр
Татарстанның инвестицион үсеш агентлыгы җитәкчесе «Регионнар һәм икътисадый зоналар: Россия-Кытай хезмәттәшлегенең яңа офыклары» түгәрәк өстәлендә чыгыш ясады. Анда катнашучылар арасында Кытай инвестицион корпорацияләре, коммерция, төзелеш компанияләре вәкилләре, шулай ук Кытай Халык Республикасының Генераль консулы Ло Чжаньхуэй бар иде.
Талия Миңнуллина Татарстанның Кытай белән эшләү стратегиясе турында сөйләде. Инвестицияләр җәлеп итү тәҗрибәсе һәм республикада бизнес өчен төзелгән инфраструктура Алабугадагы «Бер билбау, бер юл» логистик терминалы кебек иң кыю проектларны тормышка ашырырга мөмкинлек бирә.
Талия Миңнуллина: "Бүгенге көндә Татарстан уңышының бер өлеше - бу, беренчедән, дәүләт башлыклары мөнәсәбәтләре, алга таба без төбәкләргә, муниципалитет дәрәҗәсенә төшәбез, мәгариф линиясе буенча актив эш, киләчәккә кадрлар әзерләү, Кытай белән эшләү буенча белгечләр әзерләү, мәдәният, тарих. Бу эш үзенчәлеге. Монда Сян БО әфәнде - Кытайның Казандагы консулы белән тыгыз хезмәттәшлек зур роль уйный, Пекинда Татарстанның үз сәүдә вәкиле Евгений Горшков эшли. Болар барысы да безнең Кытай бизнесына ачыклыгыбызны тәэмин итә"