ИХО белән 20 ел – бу инвестицияләүгә!
Талия Миңнуллина: «Татарстан Рәисе Рөстәм Миңнеханов Ислам хезмәттәшлеге оешмасында Россиянең күзәтүче иле статусының 20 еллыгына биргән интервьюсында болай дип билгеләп үтте: "Безнең республика һәрвакыт Россиянең ислам дөньясы белән мөнәсәбәтләрен үстерү һәм ныгыту буенча тырышлыкларның алдынгысында булды һәм Россиянең ИХОда әгъзалыгы Татарстанга тышкы икътисади элемтәләрне киңәйтү, мөселман илләре белән товар әйләнешен арттыру һәм уртак инвестиция проектларын гамәлгә ашыру өчен яңа мөмкинлекләр ачты". Бу статус безгә Татарстан Республикасын алга җибәрү өчен мөселман илләре лидерлары белән турыдан-туры хезмәттәшлек итәргә мөмкинлек бирә. Очрашуларда Рөстәм Миңнехановка шундый хөрмәт һәм ихтирам белән карауларын һәм мөмкин булган хезмәттәшлек турында фикер алышуларын күрсәгез иде. Барлык геосәяси кыенлыкларга карамастан, бездә Ислам хезмәттәшлеге оешмасы илләреннән инвестицияләр белән проектлар бар".
Инвестицион хезмәттәшлек мисаллары арасында – Tawazun гарәп фонды катнашында AURUS автомобильләрен җитештерү, Emaar Properties Әмирлек инвестицион компаниясе белән хезмәттәшлек, нефть-газ һәм нефть химиясе өлкәсендә Maharani Малайзия компаниясе белән хезмәттәшлек.
Төркия компанияләре безнең республикага якынча 2 2 млрд инвестицияләгән. Татарстанда уннан артык төрек заводы эшли. Татарстан компанияләре Төркия территориясендә энергетика һәм нефть химиясе өлкәсендә эре проектларны гамәлгә ашыру буенча эш алып баралар.
Белешмә:
2005 елның июнендә Россия Ислам хезмәттәшлеге оешмасында рәсми күзәтүче ил статусын алды.
«Россия-Ислам дөньясы» Стратегик караш төркеме 2006 елда Татарстанның актив катнашында оештырыла. Аның беренче рәистәшләре күренекле дәүләт эшлеклесе Евгений Максимович Примаков һәм Татарстанның беренче Президенты Минтимер Шәрип улы Шәймиев булды. 2014 елдан төркемне Россия Президенты йөкләмәсе буенча Татарстан Рәисе Рөстәм Миңнеханов җитәкли.