Барысы да үзебездән тора!
Кичә Татарстан Республикасының инвестицион үсеш агентлыгы җитәкчесе Талия Миңнуллина Түбән Новгородта төбәк инвестицияләр агентлыкларының һәм үсеш корпорацияләренең V съездында чыгыш ясады. Пленар утырыш барышында ул Россия инвестицияләрен җәлеп итү оешмалары елдан-ел очраша торган проблемаларны хәл итү өлкәсендә Татарстан тәҗрибәсе белән уртаклашты. Шулай итеп, фикер алышу үзәгендә Россия төбәкләрен үстерүнең озак сроклы стратегияләре булмау, кадрлар мәсьәләсе (аерым алганда эшче көчләр кытлыгы), KPI (саннарда яки процентларда күрсәтелгән нәтиҗәлелекнең төп күрсәткечләре) булды. Талия Миңнуллина илне инвестицион үстерүнең бердәм стратегиясен булдыру инвесторлар өчен көрәштә регионнар арасындагы конкуренция градусын киметәчәк дип ышана. Татарстан бу юнәлештә адымнар ясады инде. Республиканың пространствоны планлаштыру институты Казан агломерациясен үстерү мастер-планын эшләде. Бүгенге көндә Кама һәм Әлмәт агломерацияләренең мастер-планнары өстендә эш алып барыла.
Шулай ук Татарстанның инвестицион үсеш агентлыгы җитәкчесе «безнең төбәкләргә килгән инвесторларда зур резерв кала» дип билгеләп үтте. Талия Миңнуллина хезмәттәшләренә гамәлдәге инвесторларның инвестицион эшчәнлеген/потенциалын үстерү адымнарын тәкъдир итте.
Үз чыгышын йомгаклап, Татарстанның инвестицион үсеш агентлыгы җитәкчесе, барысы да үзебездән тора, проблемалар һәрвакыт бер үк булды һәм булачак, һәм аларга дөньяны күзаллавыгыз белән идарә итәргә һәм үз көчегезгә ышанычны киметергә мөмкинлек бирмәскә кирәк, дип нәтиҗә ясады.
Утырыш азагында Талия Миңнуллинага Инвестицион үсеш агентлыклары Милли ассоциациясенең иң югары бүләге — һөнәри бергәлек үсешенә керткән өлеше өчен медаль тапшырдылар.